عاجل خبرونه

جنرال قمر جاويد باجوه د پاکستان د پوځ نوی مشر ټاکل شوی

(Last Updated On: نوومبر 27, 2016)

download

د پاکستان لومړي وزير نواز شريف ډګرجنرال قمر جاويد باجوه د دغه هېواد د پوځ نوی مشر ټاکلی دی.

د پاکستان لومړي وزير د دفتر له خوا د شنبې په ورځ یوه خبرپاڼه خپره شوې، چې له مخې یې د دغه هېواد ولسمشر ممنون حسين د لومړي وزير پر مشوره جنرال قمر جاويد باجوه د پوځ مشر او جنرال زبير محمود حيات د پوځ د لوی درستيزانو د کمیتې د مشر په توګه ټاکلي دی.

جنرال قمر جاويد باجوه او جنرال زبير محمود حيات به د روانې مياشتې نومبر له نهه ویشتمې نېټې وروسته خپلې دندې پيل کړي او پر همدغه ورځ به جنرال راحيل شريف ګوښه او تقاعد شي.

د پاکستاني سرچینو په حواله، د پاکستان د اساسي قانون له مخې د وسلوالو پوځونو د مشرانو د ګمارنې واک لومړی وزیر لري.

جنرال قمرجاوید د پاکستان په وسلوال پوځ کې څلورم نمبر لوړ پوړی افسر دی، چې په دغه هېواد کېبه یې د پوځ د مشرۍ موده ۴کاله وي.

ویل کیږي، چې د دغو دواړو مشرانوپه وړاندې یو لړ سیمه ییزې ننګونې هم شته، چې راټوکیدلی او ان پر تاوتریخوالی اوښتې دي.

About Ariana News

Check Also

خلیلزاد د ولسمشریزو ټاکنو د ځنډیدو وړداندیز کړی

(Last Updated On: نوومبر 13, 2018) وال ستریت ژورنال په ډاګه کړې، چې، ترمپ د …