Connect with us

تازه خبرونه

ترهګر هڅه کوي، چې په هېواد کې مذهبي شخړې پیل شي

خپور شوی

د

(Last Updated On: لړم ۲, ۱۴۰۱)

ولسمشر غني وایي؛ ترهګر هڅه کوي، چې په هېواد کې مذهبي شخړې پیل او له افغانستان څځه یوه  بله کربلا جوړه شي.

ولسمشر غني د عاشورا نمانځغونډې ته په خبرو کې مذهبي نفاق ته لمن وهل هېواد ته لوی ګواښ یاد کړ او له ټولو خلکو یې وغوښتل، چې د ترهګرو د موخو د ناکامه کولو لپاره ودریږي.

د عاشورا پر ورځ حکومتي مشران په ټینګو امنیتي هڅو کې تکیه خانو او جوماتونو ته ورغلل؛ ولسمشر غني له خپل دوه یم مرستیال سره د نبي اکرم جومات ته ورغلي وه.

دوی د کابل ښار په لویدیځه څنډه کې شوي بریدونه غندي او هغه د ټولو پر ضد برید بولي.

ولسمشر اشرف غني وایي، د افغانستان د خلکو درد و زغم یو دی؛ خو د هېواد او خلکو دښمنان غواړي خپلو بریدونو ته قومي او مذهبي بڼه ورکړي. دغه کار مونږ ته ستر خطر دی، چې باید مخه یې ونیول شي.            

ولسمشر غني له خلکو غواړي، چې د مذهبي، ژبنیو، قومي اوګوندي توپیرونو په وړاندې ودریږي او مخه یې ونیسي.

د نوموړي د څرګندونو له مخې؛ تروستان، چې نن پر جوماتونو، عبادتځیو، ښوونځیو، علمي مرکزونو او غونډو، چې په کوم نوم بریدونه کوي؛ غوښتنه یې له شمر او یزید سره توپیر نلري.  

د ټاکنو د تر سره کیدو څرنګوالی، چې په دې ورځو کې پرې تاوده بحثونه کیږي هم د حکومت په لومړیتوبونو کې ښکاري.

د ولسمشر دوه یم مرستیال وایي، حکومت پراخ بنسټه ټاکنو ته ژمن دی.

د ولسمشر دوه یم مرستیال سروردانش وایي، چې مونږ د ټولو قومونو د برابرۍ هڅې کوو او حکومت هیڅکله انحصاري هڅه نده کړې.

حکومت د کابل ښار د لویدیځې څنډې امنیت ته تیاری نیولی او له همدې کبله د کابل لویدیځ هم یو امنیتي زون ګرزیدلی دی.

د افغانستان د عالمانو شورا غړی مولوي فیاض وایي، چې ناامني د وېش وړ نده او اړوند ګواښونه د افغانستان له ټولو خلکو سره تړاو لري.        

د کابل ښار لویدیځه څنډه په وروستیو کې د ځانمرګو بریدونو او چاودنو لیدونکې وه، چې له ملکیانو یې ډېره قرباني واخیسته او مسوولیت یې هم داعش منلی دی.

خبریال: شاهپور فرهمند

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!