ترمپ د افغانستان د سولې په اړه له امریکایي چارواکو سره ولیدل

(Last Updated On: آگوست 17, 2019)

د امریکا ولسمشر له طالبانو سره د احتمالي سولې په اړه، چې په افغانستان کې به ورسره جګړه پای ته ورسیږي د خپل هېواد له لوړپوړیو چارواکو سره ولیدل. 

د امریکایي رسنیو د څرګندونو له مخې؛ ښاغلی ترمپ تېره ورځ د خپل هېواد له مشرانو( بهرنیو چارو وزیر مایک پمپیو، امنیتي سلاکار جان بولتن، دفاع وزیرمارک سپر، د مرکزي استخباراتو رییس جینا هاسپل، د افغانستان د سولې په اړه د امریکایې استازي زلمي خلیلزاد او د امریکا د پوځ لوی درستیز جوزف دانفورد) سره ولیدل.   

ویل کیږي، چې دغه لیدنه له طالبانو سره د سولې پر بهیر، د امریکایي ځواکونو د احتمالي وتلو او د افغانستان د اوږدې جګړې د پای ته رسولو په اړه د یوې سیاسي حل لارې پر موندنې راڅرخیدلې ده.

د امریکا ولسمشر له خپلې لیدنې وروسته په خپل تویت کې په ډاګه کړې، چې همدا اوس مو د افغانستان په اړه یوه ښه ناسته تر سره کړه. د ۱۹ کلنې جګړې ټول اړخونه او مونږ غواړو، چې یوې هوکړې ته ورسیږو… خو که ممکنه وي.

د امریکا د بهرنیو چارو وزیر هم په خپل تویت کې څرګنده کړې، چې امریکا د افغانستان د سولې بهیر پر پرمختګ ځانګړی کار کوي.  

د نوموړي د څرګندونو له مخې؛ مونږ له افغانستان سره په نږدې همکارۍ کې یوې هراړخیزې سولې ته ژمن یو او غواړو، چې د تاوتریخوالي کچه راټیټه او اوربند وشي، د افغانستان له خاورې د امریکا او د هغه د متحدانو د نه ګواښلو ډاډ رامنځته او سولې ته د رسیدو لپاره افغانان چمتو شي.

دا په داسې حال کې ده، چې زلمي خلیلزاد لږ تر لږه اته ځله د قطر په دوحه کې له طالب مشرانو سره د بهرنیو ځواکونو پر وتلو او په افغانستان کې د ترهګرۍ پر ضد د مبارزې پر څرنګوالي خبرې او بحثونه کړې دي.

About Ariana News

Avatar

Check Also

شمار قربانیان ویروس کشنده در چین به ۱۷ نفر افزایش یافت

(Last Updated On: ژانویه 23, 2020)شمار قربانیان ویروس تازه کشف‌ شده در چین به ۱۷ …