عاجل خبرونه

بهرنیو ځواکونو د کابل- ننګرهار پرلویه لار دوه کورولا موتر سوځولي

(Last Updated On: November 8, 2019)

د لغمان سیمه ییزو چارواکو ویلي، چې د کابل ـ جلال آباد پر لويه لار د لغمان د قرغيو ولسوالۍ اړوند د عزيزخان کڅ په سيمه کې، بهرنيو ځواکونو د ملکي وګړیو پر دوه کورولا ډوله موترو ډزې کړي.

د لغمان والي وياند اسدالله دولتزي زیاته کړې، چې د جمعې پر ماښام( د لړم ۱۷) د کابل ـننګرهار پر لویه لار بهرنيو ځواکونو  د ملکي وګړیو پر موټرو ګازي مرمۍ کارولي، چې له کبله يې دوه موتر په بشپړه توګه سوځيدلي او څلور ملکي وګړي په کې ټپيان دي.

د پېښې عيني شاهدان وايي؛ د بهرنيو ځواکونو موتريز کاروان پر لار روان و او کله، چې د ملکي وګړیو موترې ورپسې روانې شوې، بهرنيو ځواکونو پرې بريد وکړ.

د همدې لویې لارې پولیسو د نوم نه ښوودلو پر شرط هم ورته معلومات وړاندې کړي دي.

بهرنیو ځواکونو تر دې دمه د یادې پېښې په اړه رسنیو ته څه ندي ویلي.

خبریال: رحمت الله زیارمل

About Ariana News

Avatar

Check Also

افغان حکومت درې مهم طالب بندیان خوشې کړل

(Last Updated On: November 12, 2019)ولسمشر غني په رسمي بڼه د افغانستان د امریکایي پوهنتون …