عاجل خبرونه

بلخي د سوریې په جګړه کې د افغانانو حضور ومانه

(Last Updated On: July 19, 2015)

vlcsnap-2015-07-19-20h02m36s26

په داسې حال کې چې په ګاونډيو هیوادونو کې د سوريې جګړې ته د افغان کډوالو د اړ ایستلو او ګومارنې په هکله اندېښنې موجودې دي، د افغانستان د کډوالو چارو وزیر د سوریې په روانه جګړه کې د افغان کډوالو ګډون تاييدوي.

د د کډوالو چارو وزیر سید حسین عالمي بلخي وايي چې یو شمیر افغان کډوال په سوریه کې د بشارالاسد او یو شمېر نور د داعش په ملاتړ جنګیږي.

د ښاغلي بلخي په وینا دا یوه کنسلي موضوع ده او دوی په دې هکله کومه مشخصه کړنلاره نلري.

هغه وایي؛ دا د بهرنیو چارو وزارت دنده ده چې د دغې ستونزې د هواري لپاره ګامونه اوچت کړي.

د کډوالو چارو وزیر وايي چې په روان کال کې څلوېښت زره افغانان هیواد ته راستانه شوي او له کومي مهمې ستونزې سره نه دي مخامخ شوي.

په افغانستان کې د هرې ورځې په تیریدو چې د نړیوالو سرتیرو زیاته برخه له دغه هیواده وتلي، د خلکو اقتصاد مخ په ځوړ شوی او بې کاري مخ په زیاتیدو ده.

ځینې کارپوهان وايي که دولت د بې کارۍ د ستونزې د حل لپاره جدي ګامونه پورته نکړي، یو ځل به بیا بهرنیو هیوادونو ته ګڼ شمیر افغان کورنۍ کډوالې شي.

هڅه مو وکړه چې په دې هکله د بهرنیو چارو وزارت هم تر لاسه کړو خو له پرلپپسې هڅو سره سره بریالي نه شوو.

About Ariana News

Avatar

Check Also

طالبانو انځوریزې، غږیزې او چاپي رسنۍ پر پوځي بریدونو ګواښلي

(Last Updated On: June 24, 2019)د طالبانو نظامي کميسيون خبرداری ورکړی؛ که تر راتلونکې يوې …