عاجل خبرونه

بادغیس به غوره سوداګریزه راتلونکې ولري- ولسمشر غني

(Last Updated On: دسمبر 10, 2017)

ولسمشر محمد اشرف غني بادغیس ولایت ته د سفر پر مال د بادغیس خلکو ته ډاډ ورکړ، چې دغه ولایت به غوره سوداګریزه راتلونکې ولري او د بادغیس باد به د راتلونکې لپاره د برښنا پیاوړې سرچینه وي.

ولسمشر غني نن سهار د بادغیس ولایت په مرکز قلعه نور ښار کې  د دغه ولایت د سیمه ییزو چارواکو اندونه او د ټولنیزو خدماتو په اړه د هغوی غوښتنې واوريدې او د قیصار ـ لامان د حلقوي سړک د لومړۍ او دوه یمې برخې پرانیسته یې وکړه.

ده وویل، د بادغیس خلکو ته به د اړتیا وړ برېښنا هم برابره شي.

نوموړي د بادغیس امنیتي وضعیت له نږدې وارزاوه او د ملکي، امنیتي ادارو او له قومي مشرانو سره یې ځانګړې ناستې تر سره کړې.

ولسمشر غني د بادغیس خلکو ته ژمنه وکړه، چې بادغیس د ورېښمو لارې په مسیر کې کلیدي ونډه لري او په راتلونکیو دوه کلونو کې به د اورګاډي پټلۍ هم له دې ولایته تېره شي.

ولسمشر اشرف غني د بادغیس د لوا قومندان او امنیتي چارواکوته په ډاګه کړې؛ زما واضح لارښوونه دا ده، چې د اوسني حالت ساتل کافي نه دي، راتلونکی کال دفاعي کال نه شي کیدلی، باید د پرمختګ او تحرک په کال بدل شي.

د قیصار ـ لامان سړک لویدیځ هرات له شمالي ولایتونو سره نښلوي، چې د جوړیدو چارې یې دوه چینايي او هندي شرکتونو ترسره کړي دي.

پر دغه سړک ۸۸ میلیون دالر لګښت راغلی، چې ټول اوږدوالی یې ۱۲۳ کیلو متره دی.

د قیصار ـ لامان سړک لګښت د آسیا پراختیايي بانک ورکړی دی.

په دې سفر کې له ولسمشر سره د فرهنګي او مطبوعاتي سلاکارانو په ګډون د دفاع او کورنیو چارو وزیران او د پارلمان غړي هم ملتیا لرله.

About Ariana News

Check Also

د کابل پوهنتون د لیلیې زدکوونکیو نښته کړې

(Last Updated On: نوومبر 15, 2018) د کابل پوهنتون دلیلې د محصلینو ترمنځ د پنجشنې …