عاجل خبرونه

ایران دې د افغانستان د اوبو په بدل کې تېل ورکړي

(Last Updated On: جولای 7, 2017)

په هلمند کې لاریونکوونکیو د افغانستان د اوبو بندونو په اړه  د ایراني ولسمشر حسن روحاني خبرې د هېواد په کورنیو چارو کې ښکاره لاسوهنه وبلله او د اوبو بندونو له جوړولو یې ملاتړ وکړ.

په افغانستان کې د اوبو بندونو د جوړولو په تړاو د ایراني ولسمشر خبرې په هلمند کې له لاریون سره مخامخ شوې.

د هلمند مدني فعالان او خلک وایي، د افغانستان د اوبو بندونو په اړه د ایراني ولسمشر خبرې د هېواد په چارو کې ښکاره لاسوهنه ده او باید له دغو خبرو ډ‌ډه وکړي.

د دوي په وینا؛ د ایران حکومت باید د افغانستان د اوبو په بدل کې تېل ورکړي.

په هلمند کې د مدني ټولنو د  شبکې رییس سردار محمد همدردي په یوه پرېکړه لیک کې د اوبو بندونو له جوړولو ملاتړ وکړ او له حکومتي چارواکو یې وغوښتل، چې د اوبو په مهارولو خپل حق ثابت کړي.

د ایران ولسمشر تېره ورځ په افغانستان کې د اوبو بندونو د جوړولو په تړاو ویلي وه، چې هېواد به یې له دې اړخه د اوبو له کمي سره مخ شي او دوی به بې تفاوته پاتې نه شي.

About Ariana News

Check Also

د پکتیا د احمد ابا ولسوالۍ لاریونکوني د برښنا غوښتونکي شول

(Last Updated On: نوومبر 20, 2018) د پکتیا د احمد ابا ولسوالۍ اوسیدونکیو لاریون کړی …