ایران د افغان حکومت او طالبانو تر منځ د خبرو هرکلی کړی

(Last Updated On: جولای 17, 2015)

756924_53956asdas

ایران د افغان حکومت او طالبانو تر منځ د سولې د مخامخ خبرو د پیل هرکلی کوي.

په کابل کې د ایران سفیرمحمد رضا بهرامي وایي، هېواد یې تمه لري چې افغانستان کې تلپاتې امنیت او ثبات راشي.

دغه ایرانی دیپلومات همدا راز وایي، د کابل- تهران اړیکې د متقابل درناوي په اساس ولاړې دي.

د طالبانو او افغان حکومت د استازو لومړنۍ مخامخ خبرې د همدې میلادي میاشتې په لومړیو کې په پاکستان کې تر سره شوې.

مخکې له دې د طالبانو مشر ملا عمر په خپل اختریز پیغام کې د سولې د خبرو په وړاندې د پام وړ نرمښت ښودلی و.

د افغانستان دا پرمختګونه د ایران له تاوده هرکلي سره مخامخ شوي دي.

ښاغلی بهرامي وایي، د ملي یووالي حکومت څخه خپل ملاتړ ته دوام ورکوي.

هغه وایي، هېواد یې له هغو وسلوالو ډلو سره زیات واتڼ لري چې د افغان حکومت خلاف جنګیږي.

د ایران سفیر زیاتوي، له طالبانو سره باید د هرو خبرو مشري افغان دولت وکړي.

د امریکا په ګډون نور هېوادونه هم په دغه دریځ ټینګار کوي.

About Ariana News

Check Also

د اسلام د ستر پیغمبر میلاد په ارګ او د هېواد په نورو برخو کې ونمانځل شو

(Last Updated On: نوومبر 20, 2018) ولسمشر غني د میلاد النبي په مراسمو کې څرګنده …