اوس پایلې اعلان شوي او مشرانو جرګه نشي کولای چې په اړه يی څارنه وکړي

(Last Updated On: October 28, 2014)

vlcsnap-2014-10-28-16h49m06s128

مشرانو جرګه وایي چې د ولایتي شوراګانو د ټاکنو د ورستیو اعلان شویو پایلو په اړه دوی څارنه نه شي کولای.
د مشرانو جرګې رییس فضل الهادی مسلمیار وایی، چې په ټاکنو کې ستونزې وې؛ خو د ولسواکۍ په چوکاټ کې د هر ولایت لپاره استازي مشخص شوي. دی وایی، چې د قانون له مخې د دوی څارنه ګټه نه لري او باید قانون تر پوښتنې لاندې را نه شي.
د شنبې په ورځ د ولایتي شوراګانو د ټاکنو وروستۍ پایلې اعلام شوې او په هغه مهال د مشرانو جرګې یو شمېر غړیو د ټاکنیزو کمیسیونو کړنې د قناعت وړ ونه بللې او د ټاکنو خپلواک کمیسیون یې په درغلیو تورن کړ.
که څه هم چې د مشرانو جرګي لخوا یوه پلاوي ته دنده سپارل شوې چې د ولایتی شوراګانو پایلې وڅیړي؛ خو د ټاکنو خپلواک کمیسیون ویلي چې دوی د ټاکنیزو شکایتونو د خپلواک کمیسیون د څېړنو په رڼا کې وروستۍ پایلې اعلان کړې؛ خو د مشرانو جرګې رییس وایي چې اوس پایلې اعلان شوي او مشرانو جرګه نشي کولای چې په اړه يی څارنه وکړي.
بلخوا د مشرانو جرګې یو شمېر غړي د ټاکنو د خپلواک کمیسیون په چارواکو نیوکې وکړې او له حکومت یې وغوښتل چې د ټاکنو خپلواک کمیسیون کې سمون راولي، پرته له دې به راتلونکې ټاکنې هم له ستونزو سره مخا مخ شي.
د ټاكنو د خپلواك كميسيون د مسولينو په وينا شاخوا دوه نیم زره کسانو د وري د شپاړسمې ټاکنو ته ځانونه کاندید کړي وو، چې څلور سوه اته پنځوس یې د ولایتي شوراګانو د غړو په توګه وټاکل شول چې اووه نوې ښځې دي.

About Ariana News

Avatar

Check Also

په غزني کې د طالبانو د رسنیو چلوونکی نیول شوی

(Last Updated On: June 18, 2019)د غزني سیمه ییزو چارواکو په ډاګه کړې، چې امنیتي …