امنیتي ځواکونو د خرابکاریو پر تور د ۵ کسانو له نیولو خبر ورکړی

(Last Updated On: May 16, 2019)

امنیتي ځواکونو په ډاګه کړې، چې په کابل او ننګرهار ولایتونو کې د وېرې، ډار اچونې  او ورانکاریو پر تور ۵ کسان نیول شوي دي.

د کورنیو چارو وزارت په خبرپاڼه کې راغلي، چې ځانګړیو پولیسو د کابل ښار د اتمې حوزې له اړوند سیمو څخه د ورانکاریو پر تور څلور کسان نیولي او تر څېړنو لاندې دي.

دغه راز څرګنده شوې، چې یو بل کس د وېرې او ډار د خپرولو پر تور د ننګرهار ولایت له اړوند سیمو نیول شوی دی.

دا په داسې حال کې ده، چې کورنیو چارو وزارت تېره ورځ په کابل ښار کې د جنایتونو او ورانکاریو د مخنیوي لپاره له نوې تګلارې خبرورکړی و.

About Ariana News

Check Also

په کابل ښار کې چاودنې د مولوي ریحان په ګډون له دوه کسانو ژوند واخیست

(Last Updated On: May 24, 2019) امنیتي چارواکي وایي، چې د روژې پر نولسمه ورځ …