امنیتي ځواکونه په سویل ختیځ زون کې له دفاعي حالته ووتل- چارواکي

(Last Updated On: July 03, 2018 7:32 pm)

امنیتي چارواکي خبر ورکوي، چې افغان ځواکونه د کندوز ولایت د چاردرې ولسوالۍ د جګړې په لومړۍ کرښه کې تېره ورځ له دفاعي حالته ووتل او بریدونه یې پیل کړل، چې د دغو عملیاتو په دوه یمه ورځ څو کلي او د دغې ولسوالۍ پراخې برخې د طالبانو له ولکې ووتې او درنده مرګ و ژوبله هم وراوښتې ده.

د پامیر شلمې فرقې چارواکو ویلي، چې افغان ځواکونو دمګړۍ په بېلابېلو ولایتونو کې پراخ عملیات پیل کړي دي.

په کندوز کې میشت د کوماندو ځواکونو د لسم کندک قومندان محمد علي څرګنده کړې، چې امنیتي ځواکونه له دفاعي حالته ووتل او اوس یې د دښمن پر ضد یرغلیز عملیات پیل کړي دي.

نوموړي زیاته کړې، چې په دې عملیاتو کې افغان ځواکونو او عامو خلکو ته زیان نه دی رسیدلی. د دوی موخه هغه خلک دي، چې ورسره په جګړه کې ښکېل دي.

هغه سرتېري، چې د جګړې په لومړۍ کرښه کې دي ټینګار کوي، چې له ډاډمنې روحیې برخمن شوي او تر هغې به جنګیږي، چې ژوندي وي.  

د ښکېلو خواوو په نښتو کې د سیمې خلک زیانونو اندېښمن کړي او نیوکه کوي، چې پوځیان دې عام ولس ته له زیان رسولو ډډه وکړي.

د کندوز اوسیدونکیو ویلي؛ تر هغې، چې له وسلوالو څخه په پاکو شویو سیمو کې نوې امنیتي پوستې جوړې نشي؛ روان عملیات به بې پایلې وي.  

About Ariana News

Check Also

پولیسو په ننګرهار ولایت کې د لوی ملي ائتلاف خیمې ټولې کړې

(Last Updated On: September 18, 2018 6:07 pm) د ننګرهار والي ویاند څرګنده کړې، چې …