عاجل خبرونه

امریکا او طالبانو د تاوتریخوالي پر اووه ورځني کمښت ټینګار کړی ـ ایسپر

(Last Updated On: February 13, 2020)

د امریکا دفاع وزیر د پنجشنبې پر ورځ/ د سلواغې ۲۴ په بروکسل کې د ناتو د دفاع وزیرانو له دوه ورځنۍ غونډې وروسته په یوه خبري کنفرانس کې څرګنده کړه، چې امریکا او طالبانو د تاوتریخوالي د اووه ورځني کمښت پر وړاندیز خبرې کړي دي.

د امریکا دفاع وزیر مارک ایسپر ویلي؛ د دغه وړاندیز په اړه له متحدینو سره سلا مشورې اړینې دي او مونږ د پرمختګ په اړه دوه اړخیزې او ډله ییزې ناستې هم تر سره کړې دي.

مارک ایسپر ویلي، چې مونږ د طالبانو د اووه ورځني اوربند په اړه د دوی ژمنې او وړتیا ته په تمه  یو؛ ځکه، چې ورپۍې بین الافغاني  او د بهرنیو ځواکونو د وتو په اړه خبرې پیل شي.

نوموړي د داعش د ګواښ د له منځه وړلو په اړه د ناتو د غړیو هېوادونو پر همکاریو هم ټینګار څرګند کړ  او  وایي، چې په پوره ځواک به د داعش جنګیالیو مخه ډب کړي.

دغه څرګندونې په داسې حال کې کیږي، چې ځینو امریکايي رسنیو د امریکایي چارواکو له خولې په ډاګه کړې، چې امریکا به روانه اوونۍ له طالبانو سره جوړجاړي ته د رسیدو اعلان وکړي.

About Ariana News

Avatar

Check Also

د بغلان ـ کندوز پر لویه لار طالبانو د پلټنې پوسته جوړه کړې

(Last Updated On: February 16, 2020) د بغلان ـ کندوز پر لویه لار د پلخمري …