عاجل خبرونه

امریکا د سولې په چارو کې له افغانستان سره دریدلې ده – پمپیو

(Last Updated On: December 12, 2019)

د امریکا د بهرنیو چارو وزیر مایک پامپیو د چهارشنبې پر ورځ( د لیندۍ ۲۰) د بګرام پر هوایی اډه موتر بم برید غندلی او ټینګار یې کړی، چې امریکا به د سولې او هوساینې راوستو لپاره له افغانانو ملاتړ کوي.

د امریکا د بهرنیو چارو وزیر مایک پمپیو د بګرام پر پوځي اډه د طالبانو دغه برید بې معنا او له تاوتریخوالي ډک یاد کړی دی.

نوموړي څرګنده کړې؛ امریکا هڅه کوي، چې د سولې د روانو خبرو له لارې د تاوتریخوالی کچه راټیټه او په افغانستان کې ثبات رامنځته شي. دغه برید یو روغتون ته سخت زیان ورساوه، چې د افغان خلکو لپاره بیارغول کیږي.

هغه همدارنګه زیاته کړې، چې امریکا په افغانستان کې د سولې او ثبات د راوستو او تاوتریخوالي د کمولو لپاره د خلکو او حکومت تر څنګ ودریږي.

د بګرام پر هوایي اډې د چهارشنبې پر سهارني برید کې، یوه ښځه وژل شوې او له اتیا ډېر کسان ټپیان شوي دي.

طالبانو د دې برید مسوولیت منلی دی.

About Ariana News

Avatar

Check Also

افغانستان له چین څخه د افغان زدکړیالانو د رالیږدولو پرېکړه وکړه

(Last Updated On: January 26, 2020)په داسې حال کې، چې د چین په څو ښارونو …