Connect with us

تازه خبرونه

امریکایي پلاوی او طالب استازي داځل په اسلام آباد کې خبرې کوي

خپور شوی

د

(Last Updated On: لړم ۳, ۱۴۰۱)

ټاکل شوې، چې څلور ورځې وروسته( د سلواغې پر ۲۹ / د فبرورۍ پر ۱۸) امریکایي پلاوی له طالب استازیو سره په اسلام آباد کې د خبرو اترو بل پړاو پیل کړي.

د سیمې هېوادونو لخوا له طالبانو څخه د کوربتوب په لړ کې دا ځل د فبرورۍ پر اتلسمه د دې ډلې مرکچي پلاوی د افغانستان د سولې لپاره د امریکا له ځانګړي استازي زلمي خلیلزاد سره په اسلام آباد کې ګوري او د خبرو اترو پېنځم پړاو به دواړه خواوې پیل کړي.

طالبانو ویلي، مرکچي پلاوی به یې د فبرورۍ پر اتلسمه په اسلام آباد او د همدې میاشتې پر ۲۵ په دوحه کې له امریکایي استازیو سره د سولې خبرې روانې وساتي.

طالب استازي غواړي د پاکستان له لومړي وزیر عمران خان سره هم وګوري.

د افغانستان د بهرنیو چارو وزارت معین نصیر احمد اندېشه وایي، د افغانستان د سولې بهیر په تړاو هیڅ هوکړه لیک او سند د حکومت له تائید پرته د پلي کیدو وړ ندی.

نوموړي دا هم زیاته کړې، چې دا هر څه نړیوالو ته په ډاګه شوي دي.

دا، چې اسلام آباد د طالب استازیو او امریکایي پلاوي د کوربتوب له لارې څه غواړي؟

د پخواني ولسمشر د دفتر رییس کریم خرم یې په اړه وایي؛ پاکستان هڅه کوي، چې پیل کړې لوبه یې له لاسه ونه وځي.          

د افغانستان د سولې په تړاو ترکیه هم له طالبانو سره د یوې ناستې کوربتوب ته هیله منه ده؛ خو په دې ناستو کې تر اوسه افغان حکومت ته هیڅ ځای ندی ټاکل شوی. داسې ښکاري، چې هم حکومت او هم د سولې عالي شورا د سولې په ناستو کې څنډې ته ټېل وهل شوي دي.

پخوانی پوځي ظاهر عظیمي وایي، چې دغه سیالۍ دوه اړخه لري؛ یو اړخ کیدی شي د سولې لپاره ښه وي، خو د سیالۍ بل اړخ باید هڅه ونکړي، چې د سولې بهیر وننګول شي.        

باور کیږي چې د سیمې هېوادونه طالبانو ته د مشروعیت ورکولو په لټه کې دي او د حکومت مخالفتونو  د دې بهیر له پیاوړي کولو سره پوره مرسته هم کړې ده.

خبریال: باعث حیات

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!