امریکا به د سې شنبې پر ورځ د محمد بن سلمان کوربه وي

(Last Updated On: March 18, 2018 7:01 pm)

ټاکل شوې، چې د سعودي عربستان ولیعهد د سې شنبې پر ورځ په سپینه ماڼۍ کې د امریکا له ولسمشر سره وګوري.

د امریکا ولسمشر دونالد ترمپ به د سې شنبې پر ورځ د سعودي عربستان د ځواکمن ولیعهد محمد بن سلمان کوربه وي.

تمه ده، چې دوی به په منځني ختیځ او خلیج کې د ایران د نفوذ د مخنیوي د ستراتیژیو په اړه بحث وکړي؛ خو د سعودي ولیعهد د هغو سیاسي او فرهنګي بدلونونو په اړه، چې نوموړي په خپل هېواد کې رامنځته کړي او یا په دې دودیزه ټولنه کې د پلي کیدو پړاوونه وهي؛ هم له ولسمشر ترمپ سره پرې خبرې په پام کې لري.

د راپورونو له مخې، ترمپ او محمد بن سلمان به له قطر سره د سعودي عربستان پر مشرۍ د ائتلاف د کړکېچ په اړه هم بحث وکړي.

د سعودي په مشرۍ د عربي هېوادونو ائتلاف پر قطر تور لګوي، چې په بهر کې د تروریستي ډلو مالي ملاتړ کوي او له ایران سره نږدې اړیکې پالي. په داسې حال کې، چې قطر دا تورونه ردوي.

د سعودي ولیعهد ۱۰ میاشتې مخکې کله، چې ولسمشر ترمپ ریاض ته سفر وکړ؛ د هغه ډېر تود هرکلی وشو او داسې ښکاري، چې دواړو وروسته له هغې هم خپلې اړیکې تودې ساتلې دي.

About Ariana News

Check Also

په ايران کې پر پوځي پريډ وسلوال بريد مرګ و ژوبله اړولې

(Last Updated On: September 22, 2018 2:28 pm) د ایران په جنوب اهواز ښار کې …