عاجل خبرونه

امریکا له افغان کډوالو سره نږدې ۴۰ میلیون دالر مرسته کوي

(Last Updated On: November 24, 2016)

download

امریکا له افغان کډوالو سره له ۳۹ میلیون دالر ډېره مرسته کوي، چې له دې سره د دغه هېواد مرستې د روان کال له پیله تر اوسه په بشري برخه کې څه باندې۲۰۷میلیون دالرو ته ورسیدې.

د امریکا بهرنیو چارو وزارت د نړۍ پر ټولو هېوادونو غږ وکړ، چې د افغانستان لپاره په بشري برخه کې د ملګرو ملتونو غوښتنه له پامه ونه‌غورزوي.

ملګرو ملتونو له هغو کډوالو سره، چې افغانستان ته په وروستیو کې ستانه شوي دي د مرستو هیله کړې ده.

واشنګتن د دې ژمنې اعلان په داسې وخت کې کړې، چې په کابل کې د ملګرو ملتونو د کډوالو چارو د عالي کمیشنرۍ ویاند نادر فرهاد په ډاګه کړې؛ د پیسو د ستونزې له امله د پاکستان حکومت موافقه کړې، چې د افغان مهاجرو د ایستلو لړۍ د ژمي په مخه ودروي او له کابل سره هم په خبرو کې دي، چې موافقه ترلاسه کړي.

About Ariana News

Avatar

Check Also

له طالبانو سره له سولې وروسته خوشبیني لږه ده

(Last Updated On: July 15, 2019) له طالبانو سره د مرکچي پلاوي غړي وایي، طالبان به …