افغان پانګوال له پاکستان څخه افغانستان ته د خپلو کارخانو رالیږدولو اندېښمن کړي

(Last Updated On: January 11, 2018 6:43 pm)

په وروستیو کې پاکستان افغان کډوالو ته د یوې میاشتې ضرب الاجل ټاکلی، چې له دې هېواده خپلې کډې بار کړي؛ خو په پاکستان کې افغان پانګوال افغانستان ته د خپلو کارخانو رالیږدولو اندېښمن کړي دي.

په پاکستان کې د عادي افغان کډوالو تر څنګ کاروباریان او پانګوال هم ژوند کوي، چې ویل کیږي شمېر یې ۱۲۰ تنو ته رسیږي او دوی هلته څه باندې شل میلیون دالر پانګوه کړې ده.

دوي وایي، نه شي کولی په یوه میاشت کې خپلې پانګې افغانستان ته ولیږدوي او اندېښمن دي، چې په افغانستان کې به یې چارو ته هومره زمینه برابره نه وي.

د پانګوالو او صنعت کارانو د ټولنې رییس عبدالجبار ساپی وایي، په افغانستان کې د ځمکې، صنعتي بانک او د پانګونې لپاره د یوې ځانګړې تګلارې نشتوالی د پانګوالو په وړاندې ستر خنډونه دي.            

د پانګوالو او صنعت کارانو د ټولنې د مسوولینو مسوولینو ویلي، چې دوه میاشتې مخکې یې هم له حکومت غوښتي وه، چې د کارخانو د جوړیدو لپاره ځمکه ورکړي؛ خو د سوداګرۍ وزارت د هغوی دغه خبره ردوي.

د سوداګرۍ او صنایعو وزارت ویاند مسافر قوقندي ویلي؛ مونږ په هېواد کې دوه صنعتي پارکونه هغو پانګوالو ته چمتو کړي، چې خپلې پانګې او فابریکې ورته راولیږدوي.             

دا په داسې حال کې ده، چې په وروستیو څو کلونو کې د امنیت د نشتوالي او بې باوریو له کبله ګڼو  پانګوالو خپلې پانګې له هېواده ویستې دي.

About Ariana News

Check Also

د فراه ولایت د امنیت آمر په ګډون ۱۱ سرتېري وژل شوی

(Last Updated On: January 21, 2018 7:27 pm) په فراه ولایت کې د امنیتي ځواکونو …