عاجل خبرونه

افغانستان او پاکستان د سولې او امنيت په اړه خبرې کړي

(Last Updated On: September 21, 2017)

په اسلام آباد کې د افغانستان سفير د پاکستان د پوځ له مشر سره د سولې او امنيت په اړه خبرې کړې دي.

افغان سفير حضرت عمر زاخېلوال په خپل تویتر کې په ډاګه کړې، چې د پنجشنبې په ورځ( د وږي ۳۰) يې د پاکستان د پوځ له مشر جنرال قمر جاوید باجوه سره وليدل.

هغه زياته کړې، چې په دې ليدنه کې يې له نوموړي سره د بېلابېلو موضوعاتو تر څنګ په ځانګړې توګه د دواړو هېوادونو د سولې، امنيت او ثبات په اړه هم خبرې وکړې.

زاخېلوال د یادې لیدنې په اړه نور معلومات نه دي ورکړي.

د پاکستان د پوځ د عامه اړيکو له دفتره په يوه خپره شوې خبرپاڼه کې څرګنده شوې، چې زاخېلوال د پوځ له مشر جنرال باجوه سره پر ځانګړیو امنيتي موضوعاتو خبرې کړې دي.

دا په داسې حال کې ده، چې ولسمشر غني هم د ملګرو ملتونو په عمومي ناسته کې د پاکستان په اړه نرم دریځ څرګند کړی دی.

About Ariana News

Avatar

Check Also

۹۵ اعشاریه ۸ په سلو کې ښځې د طالبانو له واکمنیدو سره مخالفې دي- څېړنه

(Last Updated On: July 18, 2019)د بشري حقونو خپلواک کمیسیون ویلي؛ تر سره شوې څېړنه …