عاجل خبرونه

افغان کرکت ملي لوبډله له هند سره لوبه تر سره کوي

(Last Updated On: September 25, 2018)

نن مازیګر ۴ بجې په دوبۍ لوبغالي کې د افغانستان ملي لوبډلې وروستۍ لوبه د هند له ملي لوبډلې سره تر سره کیږي.

هندي لوبډلې په آسیا جام کې تر دې دمه هیڅ کومه ماتې نه ده خوړلې. دې لوبډلې پاکستان ته دوه ځله، بنګلدیش او هانګ کانګ لوبډلو یو- یو ځل مات کړي؛ خو نن به له افغانستان سره مخ کیږي.

د افغانستان ملي لوبډلې په خپلو ګروپي سیالیو کې دواړه لوبې ګټلې وې؛ خو په دوه یم پړاو کې ترې بنګلدیش او پاکستان سیالۍ وګټلې.

هند لوبډلې پایلوبې ته لار موندلې او افغانستان لوبډله له یادو سیالیو بهر شوې ده.

تمه کیږي، چې د دواړو لوبډلو لخوا به په ننۍ سیالۍ کې هغو لوبغاړیو ته موقع ورکړ شي، چې په ۱۷ کسیزه ډله کې شامل دي؛ خو تر دې دمه یې کومه سیالۍ نده کړې.

د افغانستان لخوا د محمد شهزاد پر ځای منیر احمد کاکړ، د احسان الله جنت پرځای جاوید احمدي، د محمد نبي پرځای شرف الدین اشرف او د ګلبدین نائب پرځای یمین احمدزي ته موقع ورکول غوره بدیلونه دي.

دا مهال په آسیا جام کې راشد خان تر ټولو زیاتې ویکتې اخیستونکی لوبغاړی دی، چې ۸ ویکتې یې اخیستې دي، په دوه یم نمبر کې مجیب الرحمن دی، چې ۷ ویکتې يې ترلاسه کړي او په زیاتو منډو کې حشمت الله شهیدي په لومړیو لوبغاړو کې دی.

د یادونې ده، چې افغانستان لوبډله له تېر هر وخت څخه په یادو سیالیو کې ښه ځلیدلې؛ خو بدبختانه او په وروستي اورونو کې د تجربې نه درلودلو له کبله یې دوه سترې سیالۍ پاکستان او بنګلدیش ته بایلولې.

About Ariana News

Avatar

Check Also

اسلامي امارت به په افغانستان کې د جمهوري نظام ځای ناستی نشي

(Last Updated On: August 23, 2019)د دولت جوړوونکې ټاکنیزې ډلې مشر اشرف غني، چې د …