افغان کرکت ملي لوبډله نن له سریلانکا سره لوبیږي

(Last Updated On: March 17, 2016 10:35 am)

vlcsnap-2016-03-17-09h41m24s68د افغانستان د کرکت ملي لوبډله نن له سریلانګا سره د ۲۰۱۶ د نړیوالو ۲۰ آوریزو لوبو په لړ کې لوبیږي.

دغه لوبه به نن ماښام د افغانستان په وخت شپږنیمې بجې د هند په کلکته ښار کې ترسره شي.

د افغانستان د کرکت بورد رسنیز مرکز مشر فرید هوتک وایي؛ افغان لوبډلې دې لوبې ته بشپړ تیاري نیولی او هیله ده، چې دغه لوبه وګټي.

سریلانکا د تېر جام اتلولي خپله کړې وه او اوس له هغې ساتنه کوي.

پرون د کرکت په دغه نړیوال جام کې د پاکستان او بنګلادېش او د ویست انډیز او انګلستان تر منځ لوبې وشوې.

په دې لوبو کې پاکستان بنګلدېش او ویست انډیز انګلستان ته ماته ور کړه.

د یادونې وړ ده، چې افغانستان سکاتلند، هانګ کانګ او زیمبابوي ته له ماتې ورکولو وروسته دغه پړاو ته لار موندلې ده.

About Ariana News

Check Also

په کابل کې ملي امنیت د ۲۶ داعشیانو له نیولو خبر کړو

(Last Updated On: September 18, 2018 5:43 pm) د ملي امنیت عمومي ریاست په ډاګه …