عاجل خبرونه

افغان ځواکونه د افغانستان پر اویا سلنه برخه ولکه لري-جنرال دنفورد

(Last Updated On: سپتمبر 24, 2016)

vlcsnap-2016-09-24-09h02m34s182د امریکا د پوځ لوی درستیز وايي، افغان ځواکونه اوسمهال د افغانستان د خاورې په سلو کې پر اویا سلنه برخه ولکه لري.

جنرال جوزف دنفورد د سنا د وسلوالو خدماتو کمیتې ته د وینا پرمهال همداراز یادونه وکړه، چې وسلوال طالبان د دې هېواد د قلمرو له درې پر یوې برخې ولکه لري.

جنرال دنفورد د افغانستان د جګړې د روان حالت د ارزونې په ترڅ کې وویل، افغان ځواکونه او وسلوال مخالفین دواړه د خپلې ولکې لاندې سیمو کې په ولاړ حالت کې دي؛ خو یادونه یې وکړه، چې که افغان ځواکونه د امریکا او د امریکا د متحدانو له خوا پرلپسې مرستې او ملاتړ ترلاسه کړي، نو ښايي وکولی شي د خپل هېواد امنیت ټینګ کړي.

هغه دغه راز  په ډاګه کړه، چې افغان ملي امنیتي ځواکونه اوس هم د پوځ په ځینو مهمو صنفونو لکه د هوايي ځواک، د ځانګړیو عملیاتو او استخباراتو په برخو کې هغه وړتیا نه لري، چې باید درلودای یې؛ نو،ځکه د نوموړي په وینا دولتي سرتېرو ته له وسلوالو مخالفینو سره په جګړو کې زیات تلفات اوښتي، هومره، چې د امریکا لپاره د منلو وړ نه دي.

About Ariana News

Check Also

مجیب الرحمن ځدران د بریالۍ څېرې په توګه راڅرګند شو

(Last Updated On: مارچ 18, 2019) د بدني روزنې کارپوهانو د سپورت ډګر ته ډېرې …