افغان ولسمشر د ایران ولسمشر ته د نوي کال مبارکي ویلې

(Last Updated On: March 21, 2016 11:56 am)

vlcsnap-2016-03-21-11h42m53s85

د افغانستان او ایران ولسمشرانو تېره ورځ د نوې کال په پیلیدوله یو بل سره د تیلیفون له لارې پر  خپلمنځيو اړیکو خبري وکړې او  او ولسمشر اشرف غني د نوي کال مبارکي ورکړه .

د ایران د ایرنا خبري آژانس د راپور له مخې،ولسمشر محمد اشرف غني او د هغه ایراني ساري حسن روحاني د دواړو هېوادونو ترمنځ د دوستانه اړیکو پر پراختیا او د دوه اړخیزو همکاریو پر زیاتیدا ټینګار وکړ.

د ایرنا د څرګندونو له مخې، د افغانستان ولسمشر خپل ایراني سیال او د ایران خلکو ته د نوي کال مبارکي وویله.

ښاغلي غني د دوه اړخیزو همکاریو د  زیاتیدو  پر اړتیا ټینګار وکړ او په دې برخه کې یې د ایران رول مهم وباله.

ولسمشر حسن روحاني ویلي، په ټولو برخو کې له افغانستان سره د ایران د اړیکو او همکاریو د براختیا هیله لري.

افغانستان او ایران په نړۍ کې یوازني دوه هېوادونه دي،چې له هجري لمریز کال څخه په کې کار اخیستل کیږي.

About Ariana News

Check Also

د هند اعلان شوې مرستې به د اقتصادي پراختیا لامل شي

(Last Updated On: September 20, 2018 4:55 pm) د هېواد د سوداګرۍ نړیوالې خونې مسوولین …