افغان دولت پخپل لگښت افغان محصلين له هېواده بهر ليږي

(Last Updated On: August 18, 2011 4:26 pm)

افغان دولت له اتيا كلونو وروسته د د دوه يم ځل لپاره پرخپل لگښت د لوړو زده كړو لپاره  افغان محصلين  له هېواده بهر ليږي.

افغان ولسمشر نن له هغو سل تنو ځوانانو سره، چې په بېلابېلو برخو كې د زده كړو لپاره د افغان دولت له خوا هند ته ليږل كيدل د كتنې پرمهال له دغو ځوانانو وغوښتل، چې پخپلو هلو ځلو د افغانستان راتلونكي ته كار وكړي او دغه هېواد د بهرنيانو له احتياج  وژغورل شي.

د لوړو زده كړو وزارت سرپرست وايي، چې:

د راتلونكيو دوه اوونيو په شا وخوا كې به درې سوه كسان نور د لوړو زده كړو لپاره د تركيې هېواد ته وليږل شي.

افغان ولسمشر حامد كرزي د ولسمشرۍ په ماڼې كې له دغو ځوانانو سره د ليدنې پر مهال وويل، چې:

بهرته د لوړو زده كړو لپاره د يادو ځوانانو ليږل د افغانستان دراتلونكي او پخپلو پښو د دريدو لپاره  يو مهم گام دى.

حامد كرزي وويل، چې:

په كومو پيسو، چې دغه ځوانانو له هېواد څخه بهر د زده كړو لپاره ليږل كيږي؛ د افغانستان د بېوزلو خلكو د زيار او زحمت پيسې دي او نوموړي له يادو ځوانانو وغوښتل، چې د لوړو زده كړو په تر لاسه كولو كې ډېرزيار وباسي.

د لوړو زده كړو د وزارت سرپرست سرور دانش وايي:

اوس مهال يوازې دوه هېوادونو لكه هند او تركيې ته، چې  تعلمي او علمي بنسټونه يې له نړيوالو ميعارونو برخمن دي؛ د افغان محصليونو پر ليږلو ور سره هوكړه شوې ده.

د لوړو زده كړو د وزارت چارواكى وايي، چې:

دا كسان به د هېواد له څلور دېرش ولايتونو د ازموينې له اخيستو وروسته د لوړو زده كړو لپاره بهر ته وليږل شي .

About ATN NEWS

Check Also

ولسمشرۍ ماڼۍ د افغان او بهرنیو پوځي چارواکو د ناستې کوربتوب وکړ

(Last Updated On: September 23, 2018 6:55 pm) ولسمشرۍ مانۍ په ډاګه کړې، چې ارګ …

ځواب دلته پرېږدئ

ستاسو برېښناليک به نه خپريږي.