عاجل خبرونه

افغان او امريكايي چارواكو تيفا هوكړه ليك مثبت او گټور وباله

(Last Updated On: مارچ 3, 2013)

په امريكا كې افغان او امريكايي چارواكو د كابل او واشنگتن تر منځ د سوداگرۍ او پانگونې  په اړه لاسليك شوى هوكړه ليك( تيفا ) مثبت او گټور وباله.

دواړه لوري وايي، چې:

د روان ميلادي كال ترپايه به په نړيوال تجارتي سازمان كې د افغانستان غړيتوب هم يقيني شي.

امريكايي چارواكو ژمنه كړې، چې  له افغان سوداگرو ميرمنو سره  به د بازار موندنې په اړوند به همكاري زياته كړي.

د افغانستان د سوداگرۍ وزير انوارالحق احدي په ډاگه كړې، چې:

د افغانستان او امريكا ترمنځ د سوداگريزو اړيكو او پانگونې هوكړه ليك يا تيفا په دوه زره څلورم كال كې لاسليك شوى. د دغه هوكړه ليك وروستۍ ارزونه ښيي، چې د دواړو هېوادونو په اقتصادي وده كې يې د پام وړ رول لوبولى دى.

ښاغلى احدي زياتوي، چې:

له نړيوالو غوښتنو سره سم مو په افغانستان كې د خصوصي سكتور د ودې او فعاليت لپاره ځانگړي قوانين هم جوړ كړي دي.

له بلې خوا د امريكا د سوداگرۍ د دفتر سرپرست مورنتس وايي، چې:

په اقتصادي وده كې د افغان– امريكا د ميرمنو د ټولنې رول مهم  دى.

د هغه په وينا امريكا له افغان سوداگرو ميرمنو سره همكاري كوي، چې خپلو صنايعو ته وده وركړي او د پلور لپاره يې بازار ومومي.

About Ariana News

Check Also

په فاریاب ولایت کې ۲۶ طالب جنګیاليو ته مرګ و ژوبله اوښتې

(Last Updated On: فبروري 18, 2019) د فاریاب ولایت په قیصار ولسوالۍ کې له امنیتي …