عاجل خبرونه

افغانستان دې د درې گونو قواوو د توازن ساتنه غوښته وكړي – امريكا

(Last Updated On: August 22, 2011)

دامريكا د بهرنيو چارو وزارت وياند وايي:

امريكا هيله لري، چې د افغانستان رهبران د خپلو اختلافاتو د حل لپاره همكاري وكړي.

په داسې حال كې، چې د افغانستان دپارلماني ټاكنو پرسرلانجه دوام لري او د دولت د درې گونو قواوو ترمنځ كړكېچ زيات شوى د امريكا د بهرنيو چارو وزارت د افغانستان د اساسي قانون له مخې د دې لانجې پرحل ټينگار كوي.

د امريكا د بهرنيو چارو وزارت وياند وايي:

دامريكا دولت ارزو لري، چې د افغانستان سياسي رهبران د دې ستونزې د حل په موخه پر يوه گډ پروگرام كار وكړي.

د هغه په وينا:

امريكا دوى هڅوي، چې دا ستونزه د مذاكرې او اساسي قانون له مخې حل كړي او د اجرائيه ،قضائيه او مقننه قوې ترمنځ د توازن او څارنې لازم سيستم وساتي.

هغه وايي:

د امريكا متحده ايالات تل ټينگاركوي، چې په ټاكنو كې شوې درغلۍ د افغانستان د اساسي قانون او ډ يموكراتيكو اصولو له مخې حل شي.

امريكايي چارواكي په داسې حال كې دا وړڅرگندونې كوي، چې په دې وروستيو كې ولسمشر حامد كرزي د يوه فرمان له مخې د ټاكنو خپلواك كميسيون ته لارښوونه وكړه، چې:

ژر تر ژره د كابل د استيناف قضائيه محكمې قرار نهايي كړي .

دا فرمان د ولسي جرگې د يو شمېر غړيو د غبرگون لامل شوى او وايي:

د ولسي جرگې په تركيب كې هيڅ ډول بدلون نه مني .

About ATN News

Avatar

Check Also

په تاجکستان کې د داعشیانو برید له افغانستان سره تړاو نلري- ملي دفاع وزارت

(Last Updated On: November 7, 2019)د افغانستان د ملي دفاع وزارت ویلي؛ د تاجکستان پوله …

Leave a Reply

Your email address will not be published.