افغانانو د ګاوندیو د خونديتوب لپاره ځانونه ډال ګرځولي

(Last Updated On: June 28, 2015 6:06 pm)

vlcsnap-2015-06-28-18h00m52s61

د کورنیو چارو وزیر وايي چې نړیوال تروریزم منځنۍ اسیا او چین ته د رسیدو لپاره پر افغانستان فشار زیات کړی او افغانستان د خپلو ګاوندیو د خونديتوب لپاره تروریزم ته ځان ډال ګرځولي.

هغه د سیمې له هیوادنو غوښتنه وکړه چې باید د تجهیزاتو او تسهیلاتو په برخه کې له افغانستان سره مرسته او همکاري وکړي.

د کورنیو چارو وزیر دا څرګندونی د مشرانو جرګې استجوابیه غونډې ته وکړې.

vlcsnap-2015-06-28-18h00m36s137

مشرانو جرګه د کورنیو چارو په وزیر نور الحق علومی نیوکه کوي چې د نا امنیو په کابو کولو کې پاتې راغلی او په وزارت کې ګوندي مسایل پالي.

د مشرانو جرګې غړي وايي طالب او داعش خلک ګواښوي؛ خو حکومت کوم ځانګړي پر وګرام نلري.

لطف الله بابا د مشرانو جرګې غړی:

ننګرهار د امنیتی ستونزو سره مخامخ دی، داعش او طالب نا امنیو ته لمن وهی خو دولت چپ پاتې دی.”

ښاغلی علومي وايي؛ په شمال کې یو شمیر بهرني ترهګر له خپلو کورنیو سره میشت شوي او منځنی اسیا ته د تلو هڅې کوي.

ده وویل چې افغانانو د تروزیزم پر وړاندی ځان ډال ګرځولي:

هغه بهرنیان چې په شمال کې له خپلو کورنیو سره راغلي، موخه یې ګاوندیو هیوادونه ، چین او منځنۍ اسیاه دي؛ خو افغانانو ځانونه ډال ګرځولي؛ خو ګاوندیانو ته په کار ده چې موږ ته وسلې او نور تسهیلات برابر کړي.

هغه وویل چې اړتیا ده د سمون لپاره یو شمیر مسلکی او وړ کسان په دندو وګماري

بدلونونه د ظرفیت راوستلو لپاره دی چې دا بدلونونه پرحق دي. زه کار پوه او صادق کسان ګمارم، ځکه کله کله کار پوه کسان ستونزې جوړي. په وزارت کې دوه بدلونه راوستل چی هغه ته هم قومي او سیاسي رنګ ورکړل شو.

دا په داسې حال کې ده چې د ملي امنیت ريیس خبرداری ورکړی چې په راتلونکو شپږو میاشتو کې به امنیتي ستونزې نورې هم زیاتې شي.

خبریال: عبدالعزیز کریمی

About Ariana News

Check Also

د هند اعلان شوې مرستې به د اقتصادي پراختیا لامل شي

(Last Updated On: September 20, 2018 4:55 pm) د هېواد د سوداګرۍ نړیوالې خونې مسوولین …