عاجل خبرونه

افغانانو ته د اعدام له حكم څخه په عمري بند سزا له ايران څخه د افغان حكومت عمده غوښتنه ده

(Last Updated On: مارچ 3, 2013)

د افغانستان د بهرنيو چارو وزارت له ايران څخه غوښتي، چې په هغه هېواد كې د افغانانو د اعدامولو په باب د كابل او تهران تر منځ يوګټور ميكانيزم جوړ كړي. په ايران كې د افغانستان د سفارت له خوا له افغان بنديانو څارنه، په خپلو بشري حقونو د بنديانو لاس رسى، او بنديانو ته د اعدام له حكم څخه په عمري بند سزا له ايران څخه د افغان حكومت عمده غوښتنې دي.

افغانستان ته په ايران كې د څو اعدام شويو مړو تر لېږدولو وروسته مدني ټولنو او د بشر حقونو بېلابېل غبرګونونه وښودل.

دغو بنسټونو له حكومت څخه وغوښتل څو په ايران كې د افغانانو بشري حقونو ته پاملرنه وكړي.

په همدې حال كې د افغانستان د بهرنيو چارو وزير په وېنا كې د تمدنونو د  ايتلاف په ناسته كې د ايران د بهرنيو چارو له وزير غوښتي، چې د كابل او تهران تر منځ په ايران كې د اعدام پر سزا د محكومو افغانانو په تړاو همغږي را منځته كړي.

په ايران كې د افغان بنديانو د دقيقې شمېرې په باب معلومات نشته، خو وخت ناوخت په ايران كې د افغانانو د اعدام خبرونه خپرېږي.

بل خوا د افغانستان د بهرنيو چارو د وزارت وياند جانان موسى زى وايې:

ژر به يو افغان پلاوى تهران ته  ولاړ شي، څو په ايراني بنديخانو كې د افغان بنديانو د حالت او په دې تړاو له ايراني چارواكو سره يوې مناسبې تګلارې د هوكړې لپاره نتيجې ته ورسېږي.

شاوخوا دوه كاله وړاندې د افغانستان د پارلمان يو پلاوى، چې ايران ته د افغان بنديانو د ستونزو د حل په موخه تللى وو، له هغه هېواد څخه تر بېرته را ستنېدو وروسته ويلي وو، چې ايران هوكړه كړې څو هغه بنديان، چې دوسيې يې بشپړې شوي افغان دولت ته وسپاري.

خو د دوو كلونو له تېرېدو وروسته ويل كېږي، چې له افغانستان سره د ايران له خوا دا ژمنه نه ده عملي شوې.

About Ariana News

Check Also

په فاریاب ولایت کې ۲۶ طالب جنګیاليو ته مرګ و ژوبله اوښتې

(Last Updated On: فبروري 18, 2019) د فاریاب ولایت په قیصار ولسوالۍ کې له امنیتي …