عاجل خبرونه

ازبکستان د بلخ د کود و برق کارخانې د رغولو هوډ کړی

(Last Updated On: August 5, 2017)

د بلخ د تخنیکي او سکتوري خدمتونو ادارې مسوولین وایي، ټاکل شوې د کود و برق کارخانې ویجاړې شوې سیمې د ازبکستان لخوا ورغول شي.

 مسوولین وایي، یو ازبک پلاوی د همدې مقصد لپاره تېره اوونۍ مزارشریف ښار ته راغلی و او ټاکل شوې په نږدې راتلونکي کې یې د سروې او څېړنې کار پیل شي.

د بلخ د کود و برق کارخانه د داکتر نجیب الله په پېر کې جوړه شوې وه، چې تر اوسه فعالیت لري؛ خو تر اوسه پورې د دې فابریکې تخریب شویو برخو ته کار نه دی شوي.

د بلخ د تخنیکي او سکتوري خدمتونو ادارې رییس ذبیح الله اختري وایي؛ ازبکستان غواړي، چې د کارخانې تخریب شوې ساحې له سره ورغوي.

یو وخت په کود و برق فابریکه کې دوه زره کسانو کار کاوه؛ خو اوس په کې اتلس سوه کسان کار کوي.

دا په هېواد کې د کیمیاوي سرې د تولید لومړنۍ کارخانه ده.

About Ariana News

Avatar

Check Also

حکومت د خلکو د امنیت په ساتنه کې ناکام دی- د بشرحقونو خپلواک کمیسیون

(Last Updated On: August 18, 2019)د بشرحقونو خپلواک کمیسیون د تېرې شپې د واده پر …