Connect with us

تازه خبرونه

د بیت المقدس په رسمیت پېژندنه د سولې مخنیوی کوي

خپور شوی

د

(Last Updated On: لړم ۲, ۱۴۰۱)

څو ورځې د خبرونو سرټکی دا مساله وه، چې امریکا غواړي بیت المقدس د اسرائیلو د پلازمېنې په توګه په رسمیت وپېژني. د امریکا ولسمشر ترمپ باالاخره دا ګام پورته کړ؛ د بهرنیو چارو وزارت ته یې امر کړی، چې له تل ابیب څخه بیت المقدس ته د امریکا د سفارت د لیږد چارې پیل کړي دي.

په افغانستان کې د دې پرېکړې پر خلاف غږونه پورته شوي؛ ولسمشر محمد اشرف غني د ترمپ له خوا قدس ته د امریکا د سفارت لېږدولو پرېکړه د ټولو مسلمانانو د احساساتو زیانمیدو او د منځني ختیځ د سولې د بهیر ټکني کیدو لامل بللی.

ولسمشرۍ د یو خپلواک دولت په توګه د فلسطین د خلکو د برحقه غوښتنو د خوندي کولو غوښتنه کړې او ټینګار کوي؛ بیت المقدس د نړۍ د مسلمانانو د لومړنۍ قبلې په توګه، چې ټولو ادیانو ته هم ارزښت لري او د هغه موقعیت باید د بین المللي قوانینو، د ملګرو متلونوسازمان د مصوبو او د نړۍ د میلیونونه مسلمانانو د غوښتنو پر بنسټ تثبیت شي.

د ملي وحدت حکومت اجرائیه رییس هم د ترمپ دا پرېکړه د فلسطیني ولس د راتلونکي حکومت جوړیدو د هیلې له منځه وړل بللې او وایي؛ مونږ خپل دریځ روښانه کړ، چې افغانستان له دې پرېکړې سره خوښ پاتې کیدی نشي او بیت المقدس د مسلمانانو د لومړنۍ پلازمېنې په توګه له نړیوالې سولې سره تړاو لري.

د حراست او ثبات شورا رییس عبدرب رسول سیاف ویلي، د بیت المقدس په اړه د ترمپ پرېکړه نه تر سره کیدونکې تېروتنه ده.    

د مشرانو جرګې رییس فضل هادي مسلمیار  ویلي؛ زه د خپلو خلکو د استازي په توګه ترمپ ته په ډاګه کوم، چې پخپلې پرېکړې دې بیا کتنه وکړي.            

د حزب اسلامي غړی کریم امین وایي، د ترمپ پرېکړه نه منونکې ده او که بېرته وانخستل شي نړیوالې ستونزې به رامنځته کړي.                           

پخوانی ولسمشر حامد کرزی وايي، د تمپ پرېکړه په منځني ختیځ کې د نورو نارامیو د ډېرېدو لامل ګرزېدای شي.

د اسلامي نړۍ هېوادونو مشرانو او نړیوالې ټولنې هم پر دې پرېکړې غبرګونونه ښکاره کړي دي.

د فلسطین د کورواکې ادارې مشر محمود عباس ویلي، چې د ترمپ دا پرېکړه ښیي، چې دې هېواد د سولې په خبرو کې د منځګړي رول پریښی دی.

د ترکیې ولسمشر رجب طیب اردوغان ویلي، چې بیت المقدس سره کرښه ده.

د مصر ولسمشر هم ویلي، چې دا ګام په سیمه کې حالات پیچلي کوي.

عربي ټولنې هم دا خطرناک ګام بللی.

د ایران د بهرنیو چارو وزارت ویلي، چې امریکا په څرګنده نړیوال پرېکړه لیکونه نقض کړي دي.

پر ۵۷ اسلامي هېوادونو سربېره څو ارمني هېوادونو هم د ترمپ پر پرېکړه نیوکه کړې او وایي، چې اورشلیم دې د فلسطین او اسرائیلو  منځ تر د سولې پولې په توګه باید رسمي بڼه ومومي.

 

 

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!