تازه خبرونه
داعش په افغانستان کې ۱۳۰۰ جنګیالي لري، چې زیاتره یې پاکستانیان دي-جنرال نیکلسون
په افغانستان کې د ناتو د پریکنده ماموریت قوماندان وایي؛ داعش دا مهال په افغانستان کې یو زر و درې سوه جنګیالي لري، چې زیاتره یې پاکستانیان او د اورکزیو اوسیدونکي دي.
په افغانستان کې د ناتو د پریکنده ملاتړ ماموریت قومندانجنرال جان نیکلسون په ډاګه کړې، چې په نړۍ کې له فعالو اته نوي ترهګرو شبکو او سازمانونو شل یې په افغانسنان او پاکستان کې فعالیت کوي.
د نوموړي په وینا؛ پر دغو شبکو د فشار راوړلو لپاره زمونږ حضور اړین دي؛ ځکه، چې په نړیواله کچه په ځانغوښتنه کې بریا ته ونه رسیږي.
دغه څلور ستوریز امریکایي جنرال د داعش د جنګیالیو د شمېر په اړه هم اټکل کوي او وایي، مونږ اټکل کوو، چې په افغانستان کې د داعش جنګیالیو شمېر له دولس تر دیارلس سوو کسانو دی او هغوی زیاتره پاکستاني او د اورکزیو د سیمې دي، چې په تېرو کې د پاکستانيو طالبانو یوه برخه وه. مونږ د داعش د خراسان څانګې او په سوریه کې د داعش ډلې تر منځ د اړیکو لیدونکي وو. زه د امریکا له دفاع وزیر سره موافق یم، چې د حقاني پر شبکې پاکستان لازم فشار نه دی راوړی. هغوی د کابل په ښار او شاوخوا سیمو کې امریکایانو، ائتلافي او افغان ځواکونو ته لومړنی ګواښ دی.
نوموړی د افغان ځواکونو تلفات هم د اندېښنې وړ بولي او وایي، د کمزورې رهبري او په پوستو کې د پاتې کیدو له کبله افغان ځواکونه ډېر تلفات زغمي.
هغه ټینګار کوي، چې زه د افغان ځواکونو د تلفاتو په اړه اندېښمن یم. مونږ د افغان ځواکونو انعطاف هم لیدلی. په رهبري کې ښه والی او پر امنیتي پوستو کمه اتکا تلفات کموي. مونږ په څرګنده غواړو، چې له افغانانو سره په راتلونکي کال او راتلونکیو کلونو کې هم همکاري وکړو، چې په تدریجي توګه د خپلې څارنې ساحه پراخه کړي، خپل تلفات د تکتیکونو او سیستم په تنظیم لږ کړي او تر ډېره پر ځان بسیا شي.
دغه امریکایي جنرال له حزب اسلامي سره د حکومت هوکړه مثبت ګام بولي. هغه د بروکسل جوړیدونکې غونډې ته هم نغوته کوي، چې په وینا یې په کې به نړیوال له افغانستان سره تازه ژمنې وکړې او دا هېواد به بیا هم د پاملرنې وړ پاتې شي.
خبریال فهیم نوري
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ