عاجل خبرونه
Home / تازه خبرونه / هلمند ته د امریکا د سمندري ځواک ۳۰۰ کسیزه ډله استول کیږي

هلمند ته د امریکا د سمندري ځواک ۳۰۰ کسیزه ډله استول کیږي

vlcsnap-2017-01-07-10h57m21s110

امریکا غواړي په راتلونکي پسرلي کې هلمند ته یوه درې سوه کسیزه ضربتيقوه واستوي،چې له افغان امنیتي ځواکونو سره د مشورې او روزنې په برخه کې مرسته وکړي.

واشنګتن پوستد جمعې په ورځ د سمندري ځواکونو د افسرانو په قول ویلي،چې ممکن دا پوځیان په هلمند کې له جګړې سره هم  مخ شي.

مليتري دات کام پوځي وېبپانې د امريکا د سمندري ځواکونو د جنرال جان لوو د وینا له مخې ليکلي: د افغانستان په موسم کې بدلون راروان دی. مونږ تياری کوو، چې نور سمندري ځواکونه افغانستان ته د پوځي مشورو او د اړتيا پر مهال جگړو کې د گډون لپاره ولېږو. دغه سمندري ځواکونه به د افغان امنيتي ځواکونو د ماتې مخنيوی کوي او هڅه به کوي، چې د افغان ملي اردو له لاسه وتلې سيمې بېرته له طالبانو ونيسي.

دوه کاله وړاندې د امريکا سمندري ځواکونو په افغانستان کې خپل پوځي ماموريت پای ته رسولی و؛ خو د امريکا دفاع وزارت اوس يو ځل بيا پرېکړه کړې، چې افغانستان ته نور سمندري ځواکونه راولېږي.

اوسمهال د ناتو پر دوه زرهځواکونو سربېره لس زره امريکايي سرتېري په افغانستان کې پراته دي او د تېرکال په جولای کې د امريکا ولسمشر بارک اوباما ويلي وه؛ امريکايي او ناتو ځواکونو ته يې اجازه ورکړې، چې په پوځي عملياتو کې برخه واخلي او په وينا يې په افغانستان کې به د پاتې کیدونکیو امريکايي سرتېرو شمېر له اعلان شوي اټکله زيات وي.

د واشنګتن پوستورځپاڼې د راپور له مخې؛نژدې درې سوهسمندري ځواکونه به هلمند ته واستول شي،چې کابو یوه لسیزه په کې امریکايي او بریتانیايی پوځیانو د طالبانو پر ضد جګړه کړې ده.

دا درې سوه کسیزه پوځې ډلهبه د اتل دوه سوه پېنخلسقول اردو او د پولیسو د پېنځه سوه پېنځمزون ځواکونو ته مشورې ورکړي.

دا سمندري ځواکونه به د لښکرګاه په کمپ کې دېره شي؛خو ورسره په یو وخت به په نورو اډو کې هم میشت وي.

About Written by: ariananews.af

Check Also

vlcsnap-2017-01-19-12h24m58s206

اوباما اشرف غني او عبدالله ته د ملي وحدت حکومت د دوام ډاډ څرګند کړی

د امریکا ولسمشر باراک اوباما، چې د مرغومي دېرشمه یا د جنورۍ ۱۹ یې د …