Connect with us

تازه خبرونه

په کابل کې د حکومت او مرستندو یه سازمانونو درېیمه دوه ورځنۍغونډه ترسره شوه

خپور شوی

د

(Last Updated On: لړم ۲, ۱۴۰۱)

په کابل کې د ملي وحدت حکومت او د مرستندویه هېوادونو او نړیوالو سازمانونو درېیمه غونډه د چارشنبې په ورځ جوړه شوه، چې د څه نا څه ۵۰ مرستندویه هېوادونو او سازمانونو استازیو په کې برخه واخیسته.

غونډې ته په خبرو کې د هېواد لومړۍ میرمن  بي بي ګل غني وویل، چې  وروستیو جګړو خصوصي سکتور ته زیان رسودلی؛ خو په وینا یې د ښځو حالت د تېر په پرتله ښه شوی دی.

د هېواد لومړۍ میرمن  بي بي ګل رولا غني په ډاګه کړې، چې په نظام کې سمونونه د نړۍ غوښتنه ده، افغان ټولنه د ځان بسیاینې په لور روانه ده، نن ښځې په مهمو پرېکړو کې دخیلې دي، له فساد سره په مبارزه کې د حکومت پروګرامونه ګټور دي، د حکومت دارۍ مالي مسایل باید په روڼ ‌ډول پلان شي؛ ځکه، چې روڼتیا د افغانستان د ثبات تضمینوونکی ده.

د هغې د وینا له مخې؛ د خلکو او حکومت تر منځ واټن کم شوی دی.

غونډې ته د مرستندویه هېوادونو او نړیوالو سازمانونو استازو هم خبرې وکړې.

د آسیا لپاره د اروپایي ټولنې مرستیالې پاولا ام لاني د ښځو پر سیاسي هڅو ټینګار وکړ او وایي، چې په سیاسي برخه کې د ښځو ګډون او د ښځو اقتصادي ځواکمنتیا زمونږ د اجنډا یوه برخه ده. ښځو ته باید په بېلابېلو برخو کې فرصتونه ورکړ شي. لومړۍ میرمن په تېر یوه کال کې د ښځو د ځواکمنتیا لپاره بېلابېل پروګرامونه عملي کړي دي. خوښ یو، چې د ښځو حضور په حکومتي غونډو کې وینو.

د افغانستان لپاره د کانادا اجرایی رییسه دینا هارپر  هم د ښځو د  ستونزو پر حل ټینګار کوي او وایي، چې ښځې له زیاتو ستونزو سره مخ دي. لکه جبري ودونه، ځورونې او یو لړ ګواښونه چې په کاري ساحو کې یې له ستونزو سره مخ کړې دي او اوس هم د کار په برخه کې ملاتړ ته اړتیا لري. باید د نړۍ په کچه ښځو ته درناوی وشي. په اقتصادي او سوداګریزو ساحو کې د ښځو مشارکت وده کړې او باید د سولې په بهیر کې هم ورته ونډه ورکړ شي.

په دې غونډه کې به  ملي وحدت حکومت له فساد سره د مبارزې ملي تګلاره هم وړاندې کړي. غونډې ته کلک امنیتي تدابیر نیول شوي او حکومت کابل ښار کې یوه ورځ رخصتي اعلان کړې ده.  

د سام دې غونډې  کې تېرو درې کلونو کې د ملي وحدت حکومت کړنې وڅېړل شوې.

ټاکل شوې، چې د پنجشنبې په ورځ به د حکومت استازي د ژمنو د پلي کیدو ډاډ دغې ناستې ته ورکړي او دغه راز به تر ۲۰۲۰ کاله د افغانستان ستونزې او لومړیتوبونه وڅېړل شي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!