Connect with us

تازه خبرونه

په حکومتي ادارو کې فساد ډېر او سیستماتیکه بڼه لري

خپور شوی

د

(Last Updated On: لړم ۲, ۱۴۰۱)

له فساد سره د مبارزې او څارنې په برخه کې دوه فعال بنسټونه خبرداری ورکوي، چې فساد د پخوا په پرتله ډېر شوی او په حکومتي ادارو کې په بېلابېلو بڼو محسوسیږي.

که له یوې خوا ملي وحدت حکومت له اداري فساد سره د ګړندۍ مبارزې ټټر وهي؛ نو له بلې خوا ځينې مسوولې ادارې خبرداری ورکوي، چې فساد کم شوی نه دی، بلکې د ډېریدو او پراخیدو په حال کې دی.

 له اداري فساد سره  د مبارزې د شبکي غړی خان زمان امرخېل وايي، چې د حکومت په لویو تړونونو کې د ملي پانګې پر تالاترغۍ کیدو سربېره عادي افغانان اړ دي، چې دولتي ادارو ته هر کال میلیاردونه افغانۍ بډې او رشوت ورکړي.

د نوموړي په وینا؛ په نظام کې اوس هم مفسدي کړۍ شته او دغه کړۍ حتا تر اجرائیه ریاست او جمهوري ریاست پورې یې ريښې غزولې دي.

د افغانستان د شفافیت او څارنې بنسټ غړی ناصر تیموري وايي، چې که څه هم د ملي وحدت حکومت د کار په لومړیو کې  له فساد سره د مبارزې ګټور ګامونه اوچت کړل؛ خو د وخت پر تېریدو فساد بېرته ریښې وغزولې.

هغه زیاتوي؛ مونږه په لومړیو کې ولیدل، چې له مفسدینو سره د مبارزي لپاره ځیني اداري جوړې شوې؛ خو څومره، چي هیله کيده پایلي هغسې نه وي.

له اداري فساد سره د مبارزې عالي ادارې ویاند عبدالقهارفرخ سیر د فساد ستونزه نه رودوي؛ خو وايي، چې دولت ورسره ګړندۍ مبارزې ته ژمن دي.

د نوموړي د وین له مخې ؛ د نظام په ځینو برخو کې ستونزې شته مو نږه يي نه رودوو، خو حکومت په تمامه معنا د مبارزې اراده لري او له دي پد یدي سره د مبارزې ځواکمنه اراده لري.

د فساد په وړاندي د اداري مسوولین په د اسې حال کې له فساد سره د مبارزې خبرې کوي، چې له تېرو لس کلو نو راهیسې د افغانستان پر حکومت د نړیوالو او کورنیو بنسټونو نیوکې دي، چې له فساد سره په مبارزه کې پاتې راغلی او په دې وروستیو کې نړیوالو مرستندویانو خپلې مرستې له اداري فساد سره د مبارزې په برخه کې له پرمختګونو سره مشروطې کړې هم دي.

خبریال: اسلم حجاب

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!