Connect with us

تازه خبرونه

په تېرو درې کلونو کې ۵۳ سلنه عواید زیات شوي

خپور شوی

د

(Last Updated On: لړم ۲, ۱۴۰۱)

د ماليې وزارت د څرګندونو له مخې؛ په تېرو درې کلونو کې ۵۳  سلنه عواید زیات شويدي.

ماليې وزیر اکلیل حکیمي وایي، د عایداتو ستره برخه له ګمرکاتو او کوچنیو مالیاتو څخه ترلاسه شوې ده.

د نوموړي د څرګندونو له مخې؛ د ملي وحدت حکومت له پیله ملیات ډېر شوي، د حکومت په لومړي کال کې مو مالیات ۹۹ میلیارد افغانیو ته رسیدل؛ خو اوس ۱۵۳ میلیارد افغانانیو ته لوړ شوي دي.

کارپوهان وایي؛ پر بېوزلو او بیکارو خلکو، چې د هرې ورځې پر تېریدو یې شمېر ډېریږي؛ د مالیاتو وضع کول  زیانمنونکې ده.

اقتصادي کارپوه احمد ضیا ضیا وایي؛  له مالیاتو او ګمرکونو عواید ډېر شوي، چې د عایداتو لوړیدل  حکومت ته ګټور دي؛ خو د خلکو پر اقتصاد او د ټولنیز عدالت پر خوندیتوب بیا بل رار اغېز لري.

بې کارۍ او د مالیاتو لوړیدلو هېوادوالو ته اندېښنې راپیدا کړي دي.

هېوادوال احمد صمیم وایي، د مالیاتو له لوړیدو سره د بېلابېلو توکو بیې لوړې شوي او کار هم نشته دی.

هېوادوال غلام رباني بیا وایي، چې دولت دې د عایداتو د لوړولو پر ځای زمونږ په اړه فکر وکړي؛ ځکه مونږ د مالیاتو د ورکولو وس نلرو او بیې هم لوړې شوې دي.

ملي وحدت حکومت د خپل کار له پیله عواید لوړ کړل؛ خو اقتصادي کارپوهان او خلک د پیسو په راټولولو کې د حکومت پر کړنلارې نیوکې کوي او وایي، پر بېوزله خلکو د مالیاتو وضع کولو پرځای دې پر سترو اقتصادي پلانونو لکه کانونو او نورو تولیدي برخو فکر وکړي.

خبریاله: سمیرا ظفري

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!