Connect with us

تازه خبرونه

په خوست کې د ۴ ولسوالیو تړل شوې لویې لار خلک له ستونزو سره مخ کړي

خپور شوی

د

(Last Updated On: لړم ۲, ۱۴۰۱)

په خوست کی د نړیوالو ځواکونو همکارو سرتېرو د څلور ولسوالیو عمومي لار تړلې او خلک یی له ستونزو سره مخ کړي دي. دا لوی سړک په خوست کي د امریکایي ځواکونو پوځي هډې ترڅنګ تېر شوی دی.

شاوخوا دوه میاشتې کیږي، چې د خوست ښار ختیځ ته د امریکایانو چف مین نظامي اډې ترڅنګ څلور ولسوالیو ته غزیدلی سړک، له بهرنیانو سره همکارو افغان کمپاین ځواکونو له لوري تړل شوی او هیڅ ډول تګ او راتګ پرې نه کیږي.

د خوست ولایتي شورا یو شمېر غړیو د دې سړک په اړه جدي اندېښنه څرګنده کړه.

د خوست ولایتي شورا غړی عبدالولي  واحدزی وایي، ولس سخت په ستوونزو کې دی او د دې سړک تړل کیدل نور ورته د زغملو نه دي.

د خوست د ولایتي شورا غړی قمرعلي لکڼوال وايي، په دې کار د صبریو، باک، علیشېرو، ځاځي میدان ولسوالیو او شمل او لکڼو سیمې اوسیدونکیو د تګ راتګ لار تړل شوې ده.

دوی خبر داری ورکوي، چې که دا سړک بېرته خلاص نه شي؛  دوی به پراخ لاریونونه وکړي.

په خوست کی مدني فعال صاحب ګل  فرهاد وایي، چې د دې لارې تړل کیدو خلک له سختو ستوونزو مخ کړي او که خلاص نه شي؛ نو د ولس او حکومت ترمنځ واټن رامنځته کیدی شي.

دا لار له هغې وروسته تړل شوې، چې په تېرو څو میاشتو کې له امریکایانو سره پر همکارو افغان کمپاینرو ځواکونو څو ځانمرګي بریدونه وشول.

ویل کیږي، دا لار هم د امنیتي اندېښنو له امله تړل شوې ده.

د خوست په یاده پوځي هډه کي میشتو نړیوالو ځواکونو په دې اړه څه نه دي ویلي؛ خو د  خوست ولایتي چارواکي په دې هڅه کې دي، چې د څلور ولسوالیو د خلکو لپاره پر بله بدیله لار فکر وکړي.

خبریال: فریدالله ظاهر

Advertisement

تازه خبرونه

ایران او پاکستان د افغانستان په اړه ګډه اعلامیه خپره کړه

Published

on

(Last Updated On: غویی ۵, ۱۴۰۳)

ایران او پاکستان په یوه ګډه اعلامیه کې د یو سوله‌ییز، متحد، خپلواک او له ترهګرۍ او نشه‌یي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.

دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.

دوی دغه راز د سیمې د امنیت او ثبات د ډاډمنولو لپاره د سیمه‌ییزې او نړیوالې همغږۍ د اړتیاوو پر اهمیت خبرې کړې دي.

دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.

Continue Reading

تازه خبرونه

له ۱۰۰۰ ډېر افغان مهاجرین له پاکستان څخه جبري وایستل شول

Published

on

(Last Updated On: غویی ۵, ۱۴۰۳)

د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.

د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.

د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.

دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.

ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.

Continue Reading

تازه خبرونه

د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ

Published

on

(Last Updated On: غویی ۵, ۱۴۰۳)

د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.

د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.

د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.

دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.

ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.

Continue Reading

Trending

Copyright © 2022 Ariana News. All rights reserved!