تازه خبرونه
ناتو په افغانستان کې له پوځي طرحې ملاتړ کړی
د امریکا پوځ وایي، چې د ناتو ټولو اته ویشت غړیو هېوادونو په افغانستان کې د پوځي حضورد دوام او ترهګرو خلاف مبارزې له طرحې ملاتړ کړی دی.
د امریکا نوي حکومت له پراخو سلا مشورو او بحث وروسته د داعش ضد تګلاره اعلام کړه. د دغې تګلارې له مخې، داعش ته نور په افغانستان، سوریه او عراق کې ډېر وخت نه ورکول کیږي.
د امریکا دفاع وزیر جیمز متیس وايي، چې زمونږ د موندونو له مخې د ترمپ په سیاستونو کې دوه بدلونونه راغلي دي: لومړی یو پلاوی ټاکل شوی، چې د دښمن د زیان منونکیو اړخونو په تړاو ژر او پر وخت اقدام وکړي. دوه یم، هغه امر کړی، چې له امن پټنځایونو څخه د داعش د شړلو پر ځای هغوی محاصره کړي او بیا یې له منځه یوسي. دغه کار د دې لپاره کیږي، چې داعشیان ونه کړی شي خپلو هېوادونو ته بېرته ستانه شي.
د افغان ځواکونو لخوا د داعش د خراسان څانګې د مشر وژل کیدل او په افغانستان کې داعشیانو ته درانده تلفات د امریکا دفاع وزیر بله خوشبیني ده.
هغه په افغانستان کې د ناتو ځواکونو د حضور دوام له داعش سره په جګړه کې ګټور بولي او وایي، د وروستيو پرېکړو پر مهال به دغه موضوع زمونږ له متحدینو سره شریکه شي. مونږ د خپلو متحدینو له ژمنو پرته وروستۍ پرېکړه نه شو کولی. مونږ له خپلو متحدینو سره یو ځای افغانستان ته تللي یو او له هغه هېواد څخه به یو ځای ووځو.
د امریکا د پوځ لوی درستیز جوزف دانفورد د دې پوښتنې په ځواب کې، چې آیا د ناتو پوځي کمیتې افغانستان ته د نورو سرتېرو د لیږلو لپاره ژمنه کړې او که نه، وویل:
زما تمرکز دا و، چې خپلو سیالانو ته ووایم که سیاسي پرېکړه کوونکي د مې پر پېنځه ویشتمه په افغانستان کې د ځواکونو د زیاتولو په تړاو پرېکړه وکړي؛ نو مونږ باید چمتو ووسو، چې دغه کار ژر تر سره شي. زه د بروکسل له غونډې خوښ یم، د ناتو ټولو اته ویشت غړیو هېوادونو ژمنه وکړه، چې په افغانستان کې به حضور ته دوام ورکوي او د امنیت لپاره به د ولسمشر له طرحې ملاتړ کوي.
د ناتومشران تر یوې اوونۍ په بروکسل کې ټولیږي، په دې غونډه کې به د افغانستان په تړاو د امریکا نوې تګلاره هم اعلام شي. له افغانستان سره هر کال د امریکا لخوا د ۲۳ میلیارد دالرو مرسته، پر طالبانو او داعش د فشارونو زیاتوالی او د افغان هوایي ځواکونو ښه تجهیز د دې تګلارې عمده برخې جوړوي.
خبریاله: نذیره کریمي
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ