تازه خبرونه
کابل د اسلام آباد ادعا، چې ترهګر له پاکستان وتلي؛ رد کړه
کابل د اسلام آباد هغه ادعا رد کړه، چې ویلي یې دي؛ د حقاني شبکې په ګډون ټولې ترهګرې ډلې له پاکستان وتلي او د افغانستان په هغو سیمو کې دېره شوي، چې افغان حکومت پرې کنترول نه لري.
د تاجکستان په دوشنبه کې د افغانستان، پاکستان او تاجکستان د مشرانو له درې اړخیزې غونډې سره هممهاله پاکستان ویلي، چې د حقاني شبکې په ګډون ټول ترهګر له پاکستان وتلي او افغانستان کې دېره دي.
د پاکستان د بهرنیو چارو وزارت ویاند نفیس ذکریا ویلي، چې حقاني شبکه او د طالبانو نورې ډلې، د پاکستانيو طالبانو تحریک، اسلامي دولت ډله داعش او القاعده اوس له پاکستان څخه تښتیدلي او د افغانستان په هغو سیمو کې فعالیت کوي، چې د حکومت تر کنترول لاندې نهدي.
د ملي دفاع وزارت ویاند دولت وزیري کابل دې څرګندونو ته توند غبرګون وښود او په ډاګه یې کړه، چې پاکستان په دا ډول څرګندونو غواړي د نړیوالو په ځانګړي توګه د امریکا پاملرنه بل لوري ته واړوي.
د هغه په وینا، په پاکستان کې اوس هم د ترهګرو خوندي پناه ځایونه او مرکزونه خوندي پاتې دي.
په امریکا کې پخواني پاکستاني سفیر حسین حقاني په نیویارک تایمز ورځپاڼه کې لیکلي، چې که د امریکا نوې اداره غواړي په افغانستان کې سوله راشي؛ نو پر پاکستان دې فشار سخت کړي.
د نوموړي په وینا؛ سره له دې، چې افغان طالبان په افغانستان کې شاوخوا په سلو کې څلوېښت خاوره یا په کنټرول کې لري یا یې د کنټرول لپاره جنګېږي، خو مشران یې اوس هم په پاکستان کې دي او له هماغه ځایه عملیات رهبري کوي. د امریکا هڅوونکیو کړنو پاکستان د طالبانو له ملاتړه لاس اخیستو ته نه دی اړ کړی، نو پکار ده، چې ښاغلی ترمپ پر متبادلو لارو غور وکړي.
د دیورند کرښې دواړو غاړیو ته د امریکا او چین تر څار لاندې د ترهګرو خلاف پر ګډو عملیاتو د افغانستان او پاکستان له هوکړې وروسته اسلام آباد له خپل وروستي دریځه څه غواړي؟
په پاکستان کې پخوانی افغان دیپلومات احمد سعیدي وایي؛ حسین حقاني یو تریخ حقیقت په ډاګه کړی دی او د جنګ او جګړو مدیریت په پاکستان کې دی. دا، چې پر ګډو عملیاتو هوکړه شوې؛ نو اوس پاکستان غواړي برائت تر لاسه کړي، چې ترهګر د افغانستان په خاوره کې دي.
د کابل او اسلام آباد اړیکې اوس تر ټولو ټیټې کچه کې دي؛ کابل وایي، چې اسلام آباد ترهګر په ښو او بدو وېشي او د هغو ترهګرو خلاف څه نه کوي، چې په افغانستان کې جګړه کوي.
ټاکل شوې د امریکا د نوې ادارې پالیسي هم په څو ورځو کې اعلان شي. فکر کیږي، چې دې پالیسۍ کې به پر پاکستان فشارونه هم شامل وي.
تازه خبرونه
د کورنيو توليداتو د کيفيت او صنعتي ودې لپاره دې هڅې ګړندۍ شي – مولوي عبدالکبير
د ریاست الوزراء سياسي مرستیال مولوي عبدالکبير د سې شنبې پر ورځ ( د وري اتهویشتمه ) په سپېدار ماڼۍ کې د صنعت او سوداګرۍ وزارت له چارسمبالي نورالدين عزيزي سره وکتل.
نورالدین عزيزي ويلي، له ګاونډ هېوادونو سره ښې سوداګريزې اړيکې د دې لامل شوي، چې په هېواد کې دننه بيې په ښه حالت کې پاتې شي او د لارو بندېدا به پر بازار منفي اغېز ونکړي.
عزیزي زیاته کړې؛ د صنعت او سوداګرۍ وزارت له خصوصي سکټور سره همکار دی، چې له اغېزې یې خصوصي سکتور هم په سمه توګه فعالیت کوي او اسلامي امارت ورته لازمې اسانتیاوې برابرې کړې دي.
د نوموړي د څرګندونو له مخې؛ د اسلامي امارت د ښې اقتصادي پالیسۍ پر بنسټ د سیمې له هېوادونو سره په صادراتو او وارداتو کې د پام وړ پرمختګونه شوي دي. همدارنګه د افغانستان محصولات د منځنۍ آسیا په هېوادونو کې ښه بازار لري او د بازار موندنې لپاره یې په نورو بازارونو کې هم نندارتونونه جوړ کړي دي.
دغه راز مولوي عبدالکبیر د سوداګرۍ او صنایعو وزارت د رهبرۍ له هڅو ستاینه وکړه او څرګندوي: د امارتي ادارو بېسارې هڅې او د افغانۍ د بیې ثبات د دې لامل شوی، چې د خوراکي توکو بیې په ټیټه بیه کې پاتې شي او خلک مو د اړینو توکو د پیرودلو وس ولري.
مولوي عبدالکبیر له ګاونډ هېوادونو سره په سوداګرۍ کې د انډول پر ساتلو د ټینګار ترڅنګ زیاته کړې، چې د کورنیو تولیداتو د ښه کیفیت او د صنعت د ودې او پراختیا په برخه کې باید نورې هڅې هم وشي.
تازه خبرونه
روسیې او تاجکستان د افغانستان پولې ته نږدې ګډ پوځي تمرینات پیل کړل
د روسيې دفاع وزارت په خبرپاڼه کې راغلي؛ دغه پوځي روزنیزې هڅې د اپرېل پر پنځلسمه پيل شوي او د اپرېل تر اتلسمې به روانې وي، چې د ترسره کېدو موخه يې له ناقانونه وسلهوالو ډلو سره د مبارزې او د دولتي پولو ساتنه ده.
د روسيې دفاع وزارت زیاته کړې: د دغو پوځي روزنیزو هڅو د پرانستلو مراسم د تاجکستان د ختلان سيمې د خرب – میدون په غرنۍ دښته کې ترسره شول. دا دوه اړخیزې روزنیزې هڅې به د اپریل له پېنځلسمې څخه تر اتلسمې پورې روانې وي.
د روسیې دفاع وزارت ویلي، چې په دغو ګډو هحو کې د ترهګرو ډلو د له منځه وړلو لپاره د وسلهوالو ځواکونو د کارولو تنظیم، په غرنیو شرایطو کې د دندو د ترسره کولو لپاره د ځواکونو چمتو کول او د روزنې او عملي تجربې موضوع شامله ده. د روسیې پوځي ډله، چې په هڅو کې برخه اخلي په ټولیزه توګه په تاجکستان کې میشت د ۲۰۱ پوځي اډې سرتېري دي، چې د دې هېواد له پولو بهر د روسیې ترټولو لویه پوځي اډه ده.
د ګډ امنیتي تړون ټولنې غړي هېوادونه له افغانستان څخه د ګواښونو پر زیاتوالي اندېښمن دي او د دغو ګواښونو د مخنیوي لپاره پر همکارۍ ټینګار کوي. تاجکستان، قزاقستان، قرغزستان، ارمنستان، بیلاروس او روسیه د ډله ییز امنیتي تړون غړي دي.
په افغانستان کې له ۲۰۲۱ کال راپدیخوا روسیې او تاجکستان د لومړي ځل لپاره له افغانستان سره پولې ته څېرمه ګډ تمرینونه وکړل.
په ورته وخت کې اسلامي امارت د هېوادونو اندېښنې بې بنسټه بولي او وايي، چې د افغانستان خاوره به د هېڅ هېواد پر ضد ونه*کارول شي.
تازه خبرونه
د رسنیو سرغړونې کمیسیون د دوه ټلویزیوني شبکو د تړلو سپارښتنه وکړه
د باختر خبري سرچینې د څرګندونو له مخې؛ د سې شنبې پر ورځ ( د وري ۲۸ ) د رسنیو د سرغړونو مخنیوي کمیسیون د نور او بریا ټلویزیونونو ته سپارښتنه کړې، چې خپرونې ودروي او محکمې ته حاضر شي.
ویل کیږي، چې د دغو شبکو پر وړاندې پرېکړه د ژورنالیزم د اصولو نه مراعاتولو له کبله رامنځته شوې ده.
-
لوبی2 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي2 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه4 days ago
پر ایران به د اسرائیلو برید له سخت ځواب سره مخ شي
-
سیمه ییز خبرونه4 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
تازه خبرونه2 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
نړۍ3 days ago
امریکا به پر ایران د اسرائیلو په ځوابي برید کې برخه وانخلي
-
تازه خبرونه2 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ21 hours ago
امريکا او متحدین یې پر ايران د نورو بنديزونو لګولو هڅې کوي