Connect with us

تازه خبرونه

مخالفين دې له حزب اسلامي څخه الهام واخلي – ابراهيمي

خپور شوی

د

(Last Updated On: لړم ۲, ۱۴۰۱)

vlcsnap-2016-09-24-19h55m02s41

د ولسي جرګې رییس د دولت له وسله والو مخالفینو چې له اسلامي حزب الهام واخلي او هېواد کې جګړه چې د سیمې د استخباراتو د ګټې له پاره پر مخ ځي، پای ته ورسوي.

نوموړی وایي، اوس د دې وخت را رسېدلی چې ټولې وسله والې مخالفې ډلې چې ځانونو ته افغانان وایي، د سولې له بهیر سره یو ځای شي او د خلکو په غوښتنه چې سوله او ثبات دی، عمل وکړي. په همدې حال کې د ولسي جرګې ځینې غړي وایي چې له اسلامي حزب سره د سولې د هوکړه لیک په عملي کېدو کې باید اساسي قانون او د تېرو کلونو لاسته راوړنې په جدي توګه په پام کې ونیول شي.

له اسلامي حزب سره د حکومت د سولې هوکړه لیک د ولسي جرګې د زیاترو غړو له هرکلي سره مخامخ شو، خو دوی ټینګار کوي چې دغه هوکړه لیک باید د اساسي قانون، ملي حاکمیت او د خلکو له غوښتنې سره سم عملي شي. د ولسي جرګې رییس وایي، د سولې له پروسې سره د حکمتیار یو ځای کېدل یو مثبت اقدام دی او که نور وسله وال مخالفین ځانونو ته افغان وایي، باید نیابتي جګړې ته چې د سیمې د استخباراتو په ګټه پر مخ ځي، پای ته ورکړي او د سولې له پروسې سره یو ځای شي.

د ولسي جرګې رییس عبدالرووف ابراهیمي وايي: “د ملي ګټو او الهي دستور د ترسره کولو له پاره د سولې د هوکړه ليک لاسليک کول د ستاينې وړ دي، نو بايد چې د همدې هوکړه ليک له مخې خپلو ژمنو ته پام وکړي او نورې ډلې هم که ځانونه تر هېواد پورې تړلي بولي همدا لاره خپله کړي او نه بايد د سيمې د استخباراتو د لاس اله شي، را دې شي او د خپل ملت تر څنګ دې له سولې سره يو ځای شي.”

په همدې حال کې د ولسي جرګې ځینې غړي د سولې له پروسې سره د اسلامي حزب د یو ځای کېدو په هکله بېلابېل نظریات لري.

د ولسي جرګې غړې راضیه سعادت منگل وايي: “له سولې سره د حزب اسلامي يو ځای کېدل په دې څو کلونو کې يوه لويه لاسته راوړنه ده او بايد چې وستايل شي او د حزب اسلامي د دې کار ملاتړ وشي.”

د ولسي جرګې غړې شکېبا هاشمي وايي: “له حزب اسلامي سره يوازې د سولې هوکړه ليک په هېواد کې امنيت او سوله نه شي راوستی، د ولسمشر موخه دا وه چې له حزب اسلامي سره د سولې په کولو سره خپل سياسي سيالان کمزوري کړي او بايد په عمل کې ثابه شي چې په دې کار سره ناامني کمېدی شي.”

د ولسي جرګې غړی صاحب‌خان وايي: “سوله د افغانانو غوښتنه ده او حکمتيار هم د سولې له پاره افغانستان ته راځي او راتګ يې په هېواد کې د سولې له پاره اغېز لرونکی دی او موږ له حزب اسلامي سره د سولې استقبال کوو او دا کار د هېواد په ګټه بولو.”

د ولسي جرګې غړي ټینګار کوي چې زیاتره وسله والې مخالفې ډلې د سیمې د هېوادونو په ځانګړې توګه پاکستان په امر جګړو ته دوام ورکوي او څو پورې چې پرې پیاوړی پوځي فشار را نشي، دغه ډلې به د سولې خبرو ته حاضرې نه شي.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!