تازه خبرونه
مارک ټونر: د افغان حکومت مشران دې د خپل هېواد ښې راتلونکې ته پام وکړي
د امریکا د بهرنیو چارو وزارت د ملي یووالي د حکومت له مشرانو غواړي چې د کړکېچ د حلولو او د افغانستان د ښې راتلونکې له پاره کار وکړي.
د دغه وزارت د مسولینو په وینا، بروکسل غونډه کې به مرستندوی هېوادونه له یوې پیاوړې ژمنې سره ګډون وکړي څو د یوه ځلانده افغانستان لیدونکي و اوسي. د امریکا د بهرنیو چارو وزارت دغه راز ژمنه کوي چې امریکا د افغان ځواکونو د پیاوړتیا او تجهیز له پاره خپلو هڅو ته دوام ورکوي.
دې ورځو کې چې جګړو هم زور اخیستی، د ملي یووالي د حکومت مشرانو تر منځ ناندریو وضعیت پیچلی کړی دی. د بروکسل غونډې ته څلوېښت ورځې پاتې دي چې کابل باید د مرستو د جلبولو له پاره د رضایت وړ چمتووالی ونیسي.
د امریکا د بهرنیو چارو وزارت د ویاند مرستیال مارک ټونر وايي: “زه یوازې کولای شم ووایم، هر څوک چې د بروکسل غونډه کې ګډون کوي، د افغانستان بریالۍ او ځلاندې راتلونکې ته ژمن دي. د سیاسي وضعیت له اړخه مونږ په بشپړه توګه د افغانستان له دموکراتیک دولت څخه ملاتړ ته دوام ورکوو مونږ درک کوو چې ننګونې شته دي او اړتیا ده چې کارونه په ښه توګه ترسره شي، مونږ حکومت او د افغانستان مشران هڅوو چې د اوسنیو ننګونو د حل او ښې راتلونکې له پاره کار وکړي.”
د امریکا د بهرنیو چارو وزارت ویاند د جګړې د زیاتوالي او د افغان ځواکونو د تجهیز او پیاوړتیا له پاره د هڅو د پراختیا خبره کوي او وایي، که د سولې خبرې هر څومره ژر پیل شي، د افغانستان د اوږدمهاله منافعو په ګټه دي.
مارک ټونر زیاتوي: “مونږ د جګړې د موسم او د ننګونو پر شته والي په ځانګړې توګه هلمند کې په وروستیو اوونیو کې د ننګونو پر شتون خبر یو، کوم ځای چې جګړې شدیدې وې. له امنیتي اړخه زمونږ هڅې له افغان ځواکونو سره په کار کولو تمرکز لري څو ډاډمن شو چې هغوي پیاوړي، مجهز او د جګړې په میدان کې له طالبانو سره مقابله کې هغوی ته د ماتې ورکولو توان لري.”
که څه هم د افغانستان، پاکستان، امریکا او چین د څلور اړخیزو خبرو اترو برخلیک روښان نه دی، خو د امریکا د بهرنیو چارو وزارت وایي، هر څومره چې ژر د سولې خبرې د افغانانو په مالکیت او مشرۍ پیل شي، د افغانستان او سیمې اوږدمهاله ګټو ته به هوکړه را منځته شي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ