تازه خبرونه
د کندوز له خپلسرو افسرانو پوښتنې او حساب کېږي
د کورنیو چارو وزارت چارواکي وايي چې په کندوز کې به له هغو افسرانو او قومندانانو پوښتنې او ګروېږنې وکړي چې له جګړې پرته له سنګرونو په شا شوي دي.
د افغانستان د شمال ختیځو سیمو د پولیسو عمومي قومندان وايي چې د ځينو مسولینو د بې پروايئ له کبله وسله وال طالبان د کندوز تر دروازو را ورسېدل. له بلې خوا د پوځ د لوی درستیز مرستیال وايي چې په کندوز کې د وسله والو طالبانو د ځپلو له پاره به سیمه يیز یا همکار سرتېري ونه کاروي.
د پوليسو د ۸۰۸ سپين زر زون قومندان شېرعزيز کامه وال وايي: “هر افسر چې خپله پوسته په خپل سر پرېښې وي له هغه سره به حساب او کتاب وشي.”
د تېر کال په میزان کې چې کله کندوز د وسله والو طالبانو لاس ته ولوېد، له همغه وخت راهیسې دغه ښار د وسله والو له ګواښ څخه نه دی خلاص شوی. د کندوز د جګړې په هکله د ځينو افغان چارواکو له خولې داسې انګېرل کېږي چې ځينې قومندانان له مقاومت پرته له سنګرونو پښې سپکوي.
ویل کېږي د جګړې په کرښه کې له افغان ځواکونو سره همکار سیمه يیز غیر مسول وسله وال هم د دې لامل شوي چې ځينې پوستې وسله والو ته پرېږدي.
د لوی درستیز مرستیال مراد علي مراد وايي: “موږ به له غیر مسولو کسانو چې پوستې په خپل سر پرېږدي خير ونه کړو او دوی افغانانو ته کوم خير هم رسوی نه شي.”
د تخار والي هم د کندوز د امنیت په هکله اندېښمن دی او وايي چې له همدغه ځایه تخار ولایت ته هم امنیتي ګواښونه پیښېږي.
د تخار والي یاسین ضیا چې د کندوز د خان آباد او د تخار د خواجه غار ولسوالۍ د بېرته نیولو عملیات یې رهبري کړي، وايي: “په کندوز کې امنیتي ځواکونه باید وخت له لاسه ورنه کړي او د وسله والو په ځپلو پیل وکړي.”
د کندوز په جګړه کې ښکېلو غاړو ته تلفات اوښتي دي، خو کره شمېره یې نه ده معلومه شوې. کله چې د کندوز ښار د کلابندۍ راپورونه خپاره شول، یو شمېر سیمه يیزو چارواکو او د ولایتي شورا ځينو غړو له کندوز څخه کډې بار کړې.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه1 day ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
نړۍ23 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
لوبی24 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري