Connect with us

تازه خبرونه

د ښیوې د قضیې په اړه سیمه ییزو چارواکو بې غوري کړې- د پلاوي غړي

خپور شوی

د

(Last Updated On: لړم ۲, ۱۴۰۱)

1

د ننګرهار په ښیوه ولسوالۍ کې د یوه کس له خوا په یوه وخت د دوه خویندو د نکاح قضیې په کور دننه د خلکو سخت غبرګون راوپاراوه. د ولسمشر په لارښوونه د یادې قضیې د څېړلو لپاره ننګرهار ته یو پلاوی ولیږل شو.

د پلاوي مشر د کورنیو چارو وزارت د جنايي جرمونو پر وړاندې د مبارزې لوی رییس سید عبدالغفار پاچا وايي، د قضیې اصلي تورن نیول شوي او ترې څیړنې روانې دي.  

د قرباني شویو نجونو پلار نادرخان وايي، سیمه ییزو چارواکو یې غږ نه اورید؛ ځکه یې دا خبره رسنیزه کړه.

هغه زیاتوي، په عدلي، ولایتي او امنیتي ادارو کې ترې د قضیې د مخکې وړولو لپاره بډې غوښتل کیدې. د پلاوي مشر دې مسایلو ته ځواب ونه ویلو؛ خو زیاته یې کړه، چې په یاده قضیه کې ځینو مسوولینو بې غوري کړې، چې د ځواب ویلو لپاره به څارنوالۍ ته معرفي او د اړتیا په صورت کې به له دندې ګوښه شی.

د ننګرهار ولایت د ښیوې د قضیې په اړه د ولسمشر له خوا ټاکل شوی پلاوی وايي؛ سیمه ییزو چارواکو د پېښې په اړه بې غوري کړې، چې ځینې تورن څارنوالۍ ته معرفي شي.

تازه پولیسو زوم ولایت خان   او د هغه دوهمه میرمن، چې د مروآ کشره خور ده نیولي.

 زوم وايي، مشره خور یې د شپې طلاقه کړې او د هغې کشره خور یې د سبا سهار په اته بجو د نجلۍ د کورنۍ په خوښه نکاح کړې ده.

 د مروآ کشره خور مرحبآ څرګندوي؛ کله، چې د زوم د کورنۍ له دوی سره جنجال شو، دا بل کور کې پټه شوه. هغه وايي د ځینو منځګړو په ضمانت یې ځان ښکاره او د مشرې خور د واده پر سبا یي نکاح وتړل شوه.

اوس پوښتنه داده، چې ملا ولې د بلې خور نکاح تړلې.

نکاح تړونکی ملا مولوي عبدالرحمان وایي، د اسلام له مخې؛ کله، چې پر یوې ښځې نکاح وتړل شي،  کوروالی ورسره وشي او بېرته طلاقه شي د عدت ترمودې وړاندې د هغې له بلې خور سره نکاح حرامه ده.

دا هرڅه  دوه میاشتې وړاندې شوي او سیمه ییز چارواکي پرې همغه وخت خبر ول، مګر اقدامات یې نه دي کړي.

امنیه قومنداني وايي،  تراوسه په دې تړاو یوازې پېنځه کسان نیول شوي دي.

سرپرست والي محمد حنیف ګردیوال   اوس هم په دې برخه کې د ځنډ دلایل نه لري.

د پلاوي مشر وايي، دا مسله د ننګرهارد ولایتي شورا د ځینو غړیو د کش مکش ښکار شوې او په لوی لاس لویه شوې ده.

هغه زیاتوي، په دې تړاو باید له لاس وهونکیو هم پلټنه وشي، چې بشپړه روښانتیا یې  ډېروخت ته اړتیا لري.

خبریال: رحمت الله زیارمل

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!