تازه خبرونه
د هلمند ولایت د گرمسير ولسوال او امنيتي چارواکي له دندو گوښه شول
په هلمند کې چارواکي وايي، چې د گرمسيرولسوال اوامنيتي چارواکي د کوکنارود کر په له منځه وړلو کې د فساد پر لامل له دندو گوښه شوي دي.
دوی وايي، چې ولسوال، امنيه قوماندان اود ملي امنيت مديرد کوکنارو د اړولو کمپاين پرمهال له کروند
گرو څخه په دې نوم پيسې ټولې کړي، چې په بدل کې يې کوکنار ورپريږدي.
د هلمند د ولايتي شورا غړي او د دې ولسوالۍ يو شمېر مخور دا بيا د چارواکو له لوري يوه دسيسه بولي او وايي، چې دوی يې له دې کبله له دندو گوښه کړي، چې دوی له خلکو څخه پيسې راټولې کړي نه دي.
ياد شوي کسان د تېرې چهارشنبې په ورځ د هلمند د مرستيال والي لخوا د يوه مکتوب په اساس له دندې گوښه او د گرمسير ولسوال د واشيرد ولسوال په توگه پر دنده گمارلی دی.
د دې ولايت مرستيال والي محمد جان رسول يار وايي، چې په گرمسير کې يې د کشفي او نورو سرچينو له لارې داسې اسناد ترلاسه کړي، چې يادو مسوولينو د کوکنارو د کمپاين پرمهال له خلکوڅخه پيسې اخيستې؛ نو د پوځي شورا د پرېکړې له مخې دوی له دندو ګوښه شوي دي.
نوموړی زیاتوي، چې په دې ډله کې د دې ولسوالۍ د ټولنيزې شورا ځينې غړي او يو شمېرمشران هم شامل دي.
د نوموړي په وینا؛ عدلي او قضايي ارگانونه به په ډاگه کړي، چې څومره اوڅنگه يې دا پيسې راټولي کړې دي.
بل لوري ته د ولايتي شورا ریيس محمد کريم اتل، یو شمير غړي او د دې ولسوالۍ ځينې مخور وايي، چې:
په دې برخه کې د ولسمشر اتمه گڼه فرمان نه دی عملي شوی او پخپله د ولايت اداره په دې فساد کې ښکيله ده.
د دوی په وينا؛ گرمسير د هيواد په کچه د امنيت له پلوه يوه ډاډ منه ولسوالي ده او اوس مهال ولايتي چارواکي په لوی لاس غواړي په دې ولسوالۍ کې هم ناامنيوته لمن ووهي او هغه مسوولين د د سيسو ښکارکړي، چې دا ولسوالي يې له امنيتي او پرمختيايي پلوه يوه نمونه گرځولې ده.
گرمسير ولسوالي له پاکستان سره پر گډه پوله پرته ده، چې مسوولينو یې ولس ته د خپلو فعاليتوحساب هم ورکړی دی.
خبریال: نعمت الله زهير.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه21 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
نړۍ19 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
لوبی20 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ