Connect with us

تازه خبرونه

د هلمند د نادعلي په زندان کې ولسي وګړي او امنيتي سرتېري په نښه شوي

خپور شوی

د

(Last Updated On: لړم ۲, ۱۴۰۱)

vlcsnap-2016-08-27-15h33m09s65

په هلمند کې د بې پيلوته الوتکې په بريد کې  د زندان ولسي وګړي اوامنيتي سرتېري په نښه شوي دي.

دغه بريد د پنجشنبې په ورځ مازيګر مهال د دې ولايت په نادعلي ولسوالۍ کې شوی، چې چارواكو په نښه شوی ځاى د وسلوالو طالبانو يو مهم مركز بللى و.

د دغې پېښې يو شمېر مړي او ټپيان لښکرګاه ښارته راوړل شوي، چې په اړه يې د آریانا نیوز سیمه ییز خبریال نعمت الله زهیروایي:

د ملي اردو ټپي سرتېري محمد نبي، چې د تخارولايت اصلي اوسيدونکی دی په ډاګه کوي؛ يوه مياشت وړاندې په نادعلي کې وسلوالو طالبانو له شپږ نورو ملګرو سره نيولی و او د وسلوالو طالبانو په يوه زندان کې ساتل کيده، چې دا زندان په يوه هوايي بريد کې په نښه شو.

د ۲۱۵ ميوند قول اردو د څلورمې لوا د دريم کنډک دغه سرتېری زیاتوي، په دې زندان کې ۷ د ملي اردوسرتېري،۱۱ پوليس او ۸ ملکي وګړي د ۸ وسلوالو طالبانو لخوا ساتل کيدل، چې  ټول د دې بريد ښکارشول.

د هلمند د ولايتي شورا غړی ګل آغا مسلم وايي؛ په دې بريد کې د وسلوالو طالبانو زندان په نښه شوی، چې ډېرزيان يې ملکي وګړیو او هغو سرتېرو ته اړول شوی، چې په دې زندان کې ساتل کيدل.

بل لور ته د هلمند چارواکي څرګندوي؛ دوی په دې بريد کې د وسلوالو طالبانو يو مهم مرکز په نښه کړی، چې د يوقومندان په ګډون ۲۴ وسلوال طالبان وژل شوي؛ خو د ملي اردو د سرتېرو د مرګ و ژوبلې په اړه څه نه وايي.

بهرني ځواکونه او ملکي مرګ و ژوبله نه مني او وایي په برید کې د طالبانو ستر مرکز په نښه شوی دی.

 وسلوال طالبان  وايي، چې د بې پيلوته الوتکې په بريد کې د دوی يو زندان په نښه شوی، چې په کې ۲۲ دولتي سرتېري او درې وسلوال طالبان وژل شوي دي.

Advertisement

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

تازه خبرونه

تحول: په افغانستان کې د بریټانیا د پوځي ماموریت ارزونه

Published

on

(Last Updated On: وری ۹, ۱۴۰۳)

Continue Reading

Trending

Copyright © 2022 Ariana News. All rights reserved!