تازه خبرونه
د سپين بولدک لارې تړل کېدو سوداګر اندېښمن کړي
د سوداګرۍ او صنایعو خونې د څرګندونو له مخې د سپین بولدک او چمن لارې د تړل کېدو راهيسې، د پولې دواړو خواوو ته سلګونه له موادو ډک موټر ولاړ دي چې پاکستان د حرکت اجازه نه ورکوي.
د دغې خونې د مسولینو په وینا، دغه ستونزه یې په ځلونو له افغان حکومت سره شریکه کړې خو په اړه يې هېڅ اقدام نه دی شوی. د اقتصادي چارو یو شمېر شنونکي بیا د سوداګرۍ په وزارت کې د ظرفیت نشتوالی د دغه راز ستونزو د را منځته کېدو عامل بولي.
د سپین بولدک – چمن د لارې په تړل کېدو سره افغان سوداګرو ته ډېر مالي زیان اوښتی. د سوداګرۍ او صنایعو خونې مسولین وایي، د پولې دواړو غاړو ته په تازه مېوو بار زرګونه موټر ولاړ دي چې زیان یې افغان سوداګرو ته رسېږي.
دغه خونه وایي، څو اونیو کې به د سوداګرۍ په تړاو یوه نظر پوښتنه وکړي او وروسته به له پاکستان سره په سوداګرۍ پرېکړه وکړي. د دغې خونې په وینا، دا مهال له پاکستان سره سوداګریزه راکړه ورکړه پنځه ویشت سلنه کمه شوې ده.
د سوداګرۍ او صنایعو خونې صنعتي مرستیال حاجي بازمحمد وايي: “د پاکستان دا عمل مونږ ته د منلو وړ نه دی افغان پانګوال په میلیونونه ډالر زیانمن شوي د پاکستان دا عمل د ټولو نړیوالو اصولو خلاف دی، باید د ستونزې د حل لپاره دولت لاس په کار شي.”
د سوداګرۍ او صنایعو وزارت د متشبثینو د بورد غړی اعتبارخان ځدارن وايي: “زمونږ حکومت باید د دې ستونزې له پاره لا له وړا ندې تدابیر نیولي وای ځکه پاکستان تل دا کار کړی حکومت ولې د دغو ستونزو د مخنیوي له پاره لاس په کار کېږي نه.”
اقتصادي شنونکي بیا د مالونو په لېږد را لېږد کې له دولت غواړي چې له سوداګرو سره جدي همکاري وکړي او د دغه راز ستونزو د حل له پاره لازم اقدام وشي.
د اقتصادي چارو شنونکی محمد شبیر بشیري وايي: “د سوداګرۍ وزارت باید لا له وړاندي د داسې احتمالی ستونزو د مخنیوي لپاره یو کار کړی وای دا کومه نوې خبر نه ده دا ستونزه په وزارت کې د ظرفیت د نه شتون په مانا دی.
د سوداګرۍ او صنایعو خونې مسولین وایي، پاکستان هر کال له تاجکستان سره د افغانستان له لارې شاوخوا دوه میلیارد ډالره سوداګریزه راکړه ورکړه لري چې په وړاندې یې هېڅ ستونزې نشته خو افغان سوداګر په پاکستان کې له ډېرو ستونزو سره مخامخ دي.
خبريال: اسلم حجاب
تازه خبرونه
په تېر یو کال کې د افغان ښځو حقونو وضعیت نور هم خراب شو- امریکا
د امریکا بهرنیو چارو وزارت د بشري حقونو په اړه په خپل کلني راپور کې څرګنده کړې، چې د افغان ښځو حقونو وضعیت په ۲۰۲۳ ز. کال کې د ښځو پر وړاندې د محدودیتونو د لګولو له کبله ډېر خراب شوی دی.
وژنې، فزیکي ناوړه ګټه اخیستنه، د زندان سخت شرایط، ناحقه توقیف او اختطاف، د بیان او رسنیو ازادي، د انټرنیټ کارولو او سیاسي مشارکت ازادیو بندیزونو لګولو په ګډون اداري فساد او پوځي څانګې ته د ماشومانو استخدام د بشري حقونو هغه موضوعګانې دي، چې په دې راپور کې ورته نغوته شوې ده.
په دې راپور کې راغلي، چې اسلامي امارت په رسمي ډول د جمهوري پېر په قوانینو کې بدلون ندی راوستی؛ خو داسې فرمانونه یې صادر کړي، چې د نړیوالو کنوانسیونونو له قوانینو او مکلفیتونو سره، چې افغانستان یې ژمنه کړي په ټکر کې دي.
د امریکا بهرنیو چارو وزیر انټوني بلینکن ویلي، چې په افغانستان کې د ښځو او نجونو لپاره کاري او تعلیمي فرصتونه محدود دي او د غیر اخلاقي کړنو پر تور د ښځو او نرینهوو په وهلو ټکولو کې زیاتوالی راغلی دی.
د اسلامي امارت ویاند ذبیح الله مجاهد له بشري حقونو څخه د سرغړونې په اړه د امریکا بهرنیو چارو وزارت د راپور په غبرګون کې ويلي، چې د افغانستان خلک ټول مسلمانان دي او حقوق یې د اسلامي شریعت له مخې تعریف شوي او ورکړ شوي دي. په امریکا او نورو لویدیځو هېوادونو کې تعریف شوي بشري حقونه او کلتور له افغانستان سره توپیر لري او لویدیځوال باید خپل کلتور پر نورو هېوادونو ونهتپي.
تازه خبرونه
وروستیو سیلابونو په افغانستان کې ۱۵۰۰ کورنیو ته زیانونه رسولي
د مرستو رسولو اسلامیک ریلیف ټولنې څرګنده کړې، چې د تېرې اوونۍ بارانونو او سېلابونو په افغانستان کې مالي او ځاني زیانونو اړولي دي.
د دې ټولنې په راپور کې راغلي، چې د وروستیو سېلابونو له کبله شاوخوا ۱۵۰۰ کورنۍ زیانمنې شوي او سلګونه څاروي هم له منځه تللي دي.
اسلامیک ریلیف ټولنې زیاته کړې، چې د وروستیو اورښتونو په پایله کې ۹۰۰ کورونه جزوي او یا بشپړ ویجاړ شوي او ۹۳ زره هکټاره کرنیزه ځمکه زیانمنه شوې ده.
په داسې حال کې، چې په دې وروستیو ورځو کې سختو بارانونو او سیلابونو د افغانستان خلکو ته ځاني او مالي زیانونه اړولي دي، د نړیوالو مرستندویه موسسو د راپورونو پر بنسټ افغانستان له بېسارې بېوزلۍ او اقتصادي بحران سره مخ دی.
دا په داسې حال کې ده، چې له دې مخکې له پېښو سره د مبارزې وزارت ویلي وه، چې په دغو پېښو کې ۹۹ کسان وژل شوي او ۶۴ نور ټپیان دي.
تازه خبرونه
امریکا به افغانستان ته ورته په اوکراین کې هم له شرمېدلې ماتې سره مخ شي – روسیه
د روسیې بهرنیو چارو وزارت ویلي، چې امریکا به افغانستان او ویټنام ته ورته په اوکراین کې هم له شرمېدلې ماتې سره مخ شي.
د رویټرز د څرګندونو له مخې؛ د روسیې بهرنیو چارو وزارت ویاندې ماریا زاخارووا د یکشنبې پر ورځ ویلي: د روسیې پر وړاندې په ګډه جګړه کې ورځ تر بلې د واشنګټن ډوبېدا به ویټنام او افغانستان ته ورته د امریکا لپاره پر یوه لویه او شرمېدلې ماتې بدله شي.
هغې زیاته کړې، چې امریکا غواړي اوکرایین تر پایه وجنګېږي.
زاخارووا ویلي، چې روسیه به د اوکراین په جګړه کې د نورې ډېرې لاسوهنې لپاره د امریکا د کړنو پر وړاندې له قید او شرط پرته پرېکنده ځواب ورکړي.
امریکا د ۱۹۷۵ او ۱۹۹۵ کلونو ترمنځ د ویټنام په جګړه کې له ۵۸ زره څخه ډېر نظاميان له لاسه ورکړل، چې د کمونیسټ پلوه شمالي ویټنام پر بریا او په سویل کې د هغې د واکمنۍ له پای ته رسېدو سره پای ته ورسېده. په دې جګړه کې سلګونه زره ملکي وګړي ووژل شول.
په افغانستان کې هم امریکا د ۲۰۰۱ او۲۰۲۱ کلونو تر منځ ۲ زره ۴۵۹ سرتېري له لاسه ورکړل او له ۲۰ زره ډېر نور یې ټپیان شول.
-
لوبی5 days ago
د افغانستان فوټسال ملي لوبډلې له ایران ماتې وخوړه
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه5 days ago
تېر ۲۰۲۳ کال د افغانستان د خلکو لپاره د سترو ننګونو کال و -راپور
-
تازه خبرونه2 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سیمه ییز خبرونه22 hours ago
د ایران ولسمشر پر درې ورځني سفر پاکستان ته ولاړ