Connect with us

تازه خبرونه

امريکا به د افغانستان په اړه مشخص سياست ولري

خپور شوی

د

(Last Updated On: لړم ۲, ۱۴۰۱)

vlcsnap-2017-01-21-19h31m29s33

د امریکا د ولسي جرګې د بهرنیو اړیکو د کمېټې رییس وایي، د امریکا نوی دولت به د افغانستان په هکله مشخص سیاست تعقیب کړي.

 ده وویل چې د امریکا ولسي جرګه به د افغانستان پر حالت ډېر تمرکز ولري، څو دې هېواد کې د خلکو حالت ښه شي. په همدې حال کې په امریکا کې افغان سفیر هیله من دی چې په بېلابېلو برخو کې به د امریکا همکاري دوام ولري.

د امریکا نوي حکومت تر ورځو ورځو انتظار وروسته خپل کار پیل کړ. اوس د افغانستان خلک او دولت تمه لري چې د ډونالدټرمپ په مشرۍ د امریکا نوی حکومت به افغانستان کې څرنګه سیاست په مخ وړي. د امریکا د ولسي جرګې د بهرنیو اړیکو د کمېټې رییس په واشنګټن کې د اریانانیوز خبریالې د پوښتنې په ځواب کې وایي چې د امریکا ولسي جرګه به پر افغانستان ډېر تمرکز ولري.

د امریکا د ولسي جرګې د بهرنیو اړیکو د کمېټې رییس اد رویس وايي: “مونږ دا مهال د کارونو د ټاکلو په حال کې یو، ما د ملي امنیت له سلاکار سره خبرې وکړې، دولت اوس د یوه مشخص سیاست د جوړولو په حال کې دی، خو د امریکا د ولسي جرګې د بهرنیو اړیکو کمېټه به د افغانستان پر سیاست ډېر تمرکز ولري. زما مشوره د امریکا ولسمشر ته دا ده چې ووینئ د ځواکمنتیا له پاره څه کولای شو او دا کار مو بېلابېلو کچو کې کړی، د بېلګې په ‌ډول د افغانستان د خلکو غږ باید منعکس شي او د افغان دولت پلانونو ته چې ګټه یې خلکو ته رسېږي، باید رسیدګي وشي او د هغو کسانو پر وړاندې باید مبارزه وشي چې غواړي افغانستان تخریب شي.”

په همدې حال په امریکا کې افغان سفیر هیله من دی چې د امریکا نوی دولت به په افغانستان کې پر بېلابېلو برخو کې همکاریو ته دوام ورکړي.

په امریکا کې د افغانستان سفیر حمدالله محب وايي: “اوس د نوي حکومت د کار د پيل وخت دی، هيله لرو چې د ښاغلي ټرمپ حکومت به له افغانستان سره په سياسي، اقتصادي او نظامي برخو کې کار وکړي.”

امریکا اوس هر کال د افغانستان په پوځي، اقتصادي او سیاسي برخو کې د میلیاردونو ډالرو مرسته کوي او اوس چې واشنګټن کې نوي حکومت په کار پیل کړی، وبه کتل شي چې په کومو شرایطو له افغانستان سره مرستو ته دوام ورکوي.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!