Connect with us

تازه خبرونه

انتر پول پولیس دې د کورنیو چارو وزارت تښتیدلی معین ونیسي

خپور شوی

د

(Last Updated On: لړم ۲, ۱۴۰۱)

د افغانستان لویې څارنوالۍ انترپول پولیسو ته د کورنیو چارو وزارت د یوه پخواني مرستیال د نیولو سپارښتنه کړې ده.

 مسوولین وايي، د کورنیو چارو وزارت د عامه ساتنې د پولیسو پخوانی مرستیال چې په ځينو تړونونو کې په درغلیو تورن دی له افغانستان څخه تښتیدلی دی.

 لویې څارنوالي د کورنیو چارو وزارت د عامه ساتنې د پولیسو د معینیت د هغو سرپرستانو او مرستیالانو دوسیې، چې له نولس سوه یو نوي څخه تر څلور نوي پورې یې دندې تر سره کړې؛ له فساد سره د مبارزې عدلې او قضايي مرکز ته استولي دي.

د کورنیو چارو وزارت د عامه ساتنې په معینیت کې د فساد شواهد تېر کال تر ولسمشره ورسیدل. ولسمشر هم سمدلاسه د کورنیو چارو وزارت درې معینان، چې له دیارلس سوه یو نوي څخه تر څلور نوي کلونو پورې یې دندې تر سره کړې وې، ممنوع الخروج کړل.

د لویه څارنوالۍ ویاند  جمشید رسولي وايي، چې د فساد په تړاو د کورنیو چارو وزارت له پخوانیو مرستیالانو مجتبي پتنګ، جمیل جنبش او له دوه نورو سرپرستانو څخه څېړنې بشپړې شوي؛ خو یو معین له هېواده بهر تښتیدلی دی.

د نوموړي په وینا؛ لویې څارنوالۍ انتر پول پولیسو ته ویلي، چې تښتیدلي معین ونیسي.

لویې څارنوالۍ د عامه ساتنې په معینیت کې د فساد دوسیه څېړل شوې، چې د د دغې دوسیې د پاڼو شمېر اته زره ته رسیږي؛ خو اوس هم نده روښانه، چې د دغه معینیت په ۲۳ قراردادونو کې څومره درغلي شوې ده.

د افغانستان د شفافیت بنسټ ريیس سیداکرام افضلي وایي، لویې څارنوالۍ دغه دوسیه له فساد سره د مبارزې عدلي او قضايي مرکز ته سپارلې ده.

له فساد سره د مبارزې عدلي او قضايی مرکز وايي، چې نږدې د سل نورو لوړ پوړیو دولتي چارواکو د فساد دوسیې هم تر څېړنې لاندې دي.

د پوهنتون استاد فیض الله جلال وایي، دا کسان دې محاکمه او شتمني دې ترې واخیستل شي

د کورنیو چارو وزارت د پخوانیو مرستیالانو د فساد له دوسیې یو کال تېریږي؛ خو اوس هم کومې محکمې پر تورنو کسانو پرېکړه نه ده کړې. له فساد سره د مبارزې عدلي او قضايي مرکز که څه هم په فساد کې ښکېل ټيټ پوړي کسان محاکمه کړي؛ خو نیوکه دا ده، چې په دغه مرکز کې اوس هم هغه کسان چې په لوړه کچه په فساد کې ښکیل دي، محاکمه شوي نه دي.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!