Connect with us

تازه خبرونه

ترمپ دې د افغانستان امنیتي حالت ته بېړنۍ پاملرنه وکړي- جان مک کین

خپور شوی

د

(Last Updated On: لړم ۲, ۱۴۰۱)

download (1)

د امریکا یوه مخکښ جمهوري غوښتونکی سناتور ولسمشر دونالد ترمپ او د هغه حکومت ته سپارښتنه کړې، چې د افغانستان امنیتي حالت ته دې بېړۍ پاملرنه وکړي.

په کابل کې تر تازه بریدونو وروسته چې دوه ویشت تنه یې ووژل او له سلو ډېر یې ټپیان کړل، د امریکا د سنا د پوځي خدمتونو د کمیټې رییس د دې هېواد امنیتي حالت ته  د امریکا د ولسمشر د بیړنۍ پاملرنې غوښتنه وکړه.

 جان مک کین د امریکا د سنا د پوځي خدمتونو د کمیتې رییس په ډاګه کړې؛ دونالد ترمپ باید په افغانستان کې میشتو امریکایي سرتېرو ته کافي سرچینې او واکونه برابر کړي، چې پر امریکا د بیا ځلي برید مخه ونیول شي.

مخکې له دې په افغانستان کې د ناتو د پریکنده ملاتړ ماموریت قومندان په دې کمیته کې تائید کړې وه، چې افغان دولت د ټول هېواد له نیمایي لږ زیاته خاوره تر واک لاندې لري.

د نوموړي په وینا؛ جنرال جان نیکلسون تېره میاشت د  سنا پوځي کمیتې ته ویلي وه، چې د افغانستان جګړه د بندون په حال کې ده. ولسمشر دونالد ترمپ باید افغانستان ته ارزښت ورکړي؛ ځکه هلته له داعش سره جګړه کیږي له دې پرته به دا ستراتیژیکه ماتې را منځته کړي. تېروتنه مه کوئ افغانان په سخته له خپل هېواد څخه د دفاع لپاره جنګیږي؛ خو باید درک کړو، چې امریکا اوس هم په دې هېواد کې جګړه کوي.

جان مک کین په داسې حال کې د امریکا له ولسمشره د افغانستان امنیتي حالت ته په بېړه د پاملرنې غوښتنه لري، چې همدا اوس د دې هېواد په ځینو ولایتونو کې جګړه روانه ده او راتلونکی جنګي موسم هم  خونړی اټکل کیږي او د جګړې په لومړیو کرښو کې جنګیدونکي سرتېري د  درندو وسلو له کموالي او د لازم هوایي ملاتړ له نه شتون اندېښمن دي.

خبریاله :نذیره عظیم کریمي

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!