Connect with us

تازه خبرونه

د ملګرو ملتونو امنیت شورا د افغانستان پر روانو حالاتو اندېښنه ښودلې

خپور شوی

د

(Last Updated On: لړم ۲, ۱۴۰۱)

ملګرو ملتونو د افغانستان شرایط ناوړه بللي او خبرداری یې ورکړی، چې که افغان حکومت د چارو د سمون لپاره جدي هڅې ونه کړي، شرایط به له دې هم ډېر بحراني شي.

په افغانستان کې د ملګرو ملتونو ځانګړي استازي تادامیچی یاماموتو غونډې ته ویلي، چې د افغانستان روان وضعیت ترینګلی دی او که حکومت لاس په کار نه شي، شرایط به لاپسې بحراني شي.   

د نوموړي په وینا؛ په افغانستان کې د سولې ټينګښت یوې قوي ارادې او د سیمې او ګاونډ هېوادونو مرستو ته اړتیا ده.

ښاغلي یاماموتو پر افغانانو هم غږ کړی، چې په کور د ننه د سولې لپاره کار وکړي.

په ملګرو ملتونو کې د امریکا سفیره میشل سیسون وايي، چې هېواد یې د افغانستان د پوځي او سیاسي حالاتو ارزونه کوي.

د هغې په وینا؛ په افغانستان کې له  پوځي لارې د سولې ټينګښت ناشونی دی.

نوموړې په ډاګه کړې؛ مونږ په افغانستان کې د سولې د بهیر د پرمختګ لپاره کار کوو. د افغانستان د سولې ټينګښت د ګاونډ هېوادونو له همکاريو سره مستقیمه اړیکه لري. مونږ د افغانستان له ګاونډ هېوادونو غواړو، چې د سخت دریځو له ملاتړه لاس واخلي.

په ملګرو ملتونو کې د پاکستان سفیرې ملیحې لودهي ویلي، چې په یوه وخت کې سیاسي او پوځي هڅې کار نه ورکوي. د هغه په باور د پوځونو زیاتول به تاوتریخوالی نورهم زیات کړي.

د نوموړې په وینا؛ مونږ تمه لرو، چې د افغانستان وروستي سیاسي اختلافونه د ولسمشر او اجرائیه رييس تر منځ حل شي. په یوه وخت کې جګړه او سوله هدف ته د رسیدو لپاره کار نه ورکوي. یوازې پر پوځي برخه اتکا کول او د پوځونو زیاتول، به تاوتریخوالی لا پسې زیات کړي.

له بلې خوا په ملګرو ملتونو کې د افغانستان سفیر محمود صیقل د پاکستان  د سفیرې د څرګندونو په غبرګون کې ویلي، چې پاکستان په دې خبرو غواړي له سخت دریځۍ څخه پر ملاتړ پرده واچوي.

هغه په ډاګه کړې؛ مونږ نن د خپل ګاونډ هېواد دریځ واورید، چې وايي: افغانستان باید کورنۍ ستونزې پر نورو بار نه کړي؛ خو همدا هېواد زمونږ د هېواد د خرابوالي لپاره هڅې کوي. هغه څوک، چې د افغانستان ستونزې کورنۍ ګڼي غواړي له ترهګرۍ څخه پر خپل ملاتړ پرده واچوي.

په غونډه کې د ملګرو ملتونو غړیو له افغانستان څخه د ملاتړ پر څرګندولو ټينګار وکړ، چې افغاني سیاستوال باید په خپلو کې سره یو شي.

په ملګرو ملتونو کې د امنیت شورا ډېرو غړیو په دې ناسته کې له افغانستان څخه خپل ملاتړ څرګند او په کور دننه او بهر یې د سیاسي رهبرانو پر یووالي او همکارۍ، د امنیتي بنسټونو پر پیاوړتیا او د سیمې پر همکارۍ ټینګار څرګند کړی دی.

خبریال: فهیم نوري

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!