د کندوز له امام صاحب او چار درې ولسوالیو۳۰۰۰ کورنی بی ځایه شوي

(Last Updated On: November 13, 2017 3:00 pm)

د جګړې او عملیاتو له کبله د کندوز له امام صاحب او چار درې ولسوالیو څخه درې زره کورنی بی ځایه شوې دي.

بې ځایه شوې کورنیو ویلي، چې د حکومت او طالبانو د جګړې له کبله یې کورونه پریښي او په کرایي کورونو او یا وچ ډاګ شپې او ورځې تېروي.

بی ځایه شوې احمد نومی وایي، تراوسه ورسره هیڅ مرسته نه ده شوې.

بې ځایه شوی شېردل وایي خوراکي توکي، درمل او د شپې تېرولو هیڅ ځای نه لري، چې که ورسره مرسته ونه شي؛ په ژمي کې ښایي ډېر کسان ژوند له لاسه ورکړي.

د کندوز د کډوالو او راستنیدونکیو چارو رییس عبدالسلام هاشمي وایي، په تېرو دوه میاشتو کې له درې زره ډېرو کورنیو د مرستې غوښتنه کړې ده.

د نوموړي په وینا؛ د مرستې په موخه د اړو کسانو سروې پیل شوې او ژر به ورسره مرستې پیل شي.

هغه ویلي، چې د روان کال په لومړیو شپږ میاشتو کې د جګړې له پېنځه زره بي ځایه شویو کورنیو سره مرسته شوې او تراوسه هم د بی ځایه کیدو لړې روانه ده.

About Ariana News

Check Also

افغانستان ۹ سلنه صادرات او ۹۱ په سلو کې واردات لري

(Last Updated On: January 15, 2018 7:50 pm) د افغانستان سوداګریزه راکړه ورکړه په کال …