تازه خبرونه
د فساد مرکز ارګ دی او ولسمشر دې مقننه قوه پر فساد نه تورنوي
د ولسي جرګې غړیو د ولسمشر پر خبرو، چې ویلي یې دي کاندید وزیران دې په ولسي جرګه کې پیسې نه وېشي؛ غبرګون ښودلی دی.
د ولسي جرګې ځینې غړي دا خبرې د ملت کور ته سپکاوی بولي او وایي، د فساد مرکز ولسمشرۍ ماڼۍ ده او د ولسي جرګې پر وړاندې دې سپکاوي ته به غلي پاتې نه شي.
په ولسي جرګه کې د کندهار استازی محمد نعیم لالی حمیدزی ارګ د پیسو پر اخیستلو او ورکولو تورنوي او وایي، دا ارګ دی، چې پیسې په کې حیف و میل کیږي؛ نه ولسي جرګه.
د کابل استازی جعفر مهدوي د فساد او تعصب مرکز ارګ بولي، نه د ملت کور.
هغه زیاتوي، د ولسمشر له لوري د مقننه ځواک تورنول ستر سپکاوی دی؛ په دې اړه باید چوپتیا غوره نشي او ولسمشر باید ځواب ورکوونکی اوسي.
په ولسي جرګه کې د بلخ د خلکو استازی عبدالرحمان رحماني وایي، د فساد طرحې په ارګ کې جوړیږي. ولسمشر د وزیرانو له ټولو معاملو خبر دی او پوهیږي، چې د فساد عاملین څوک دي؛ خو چوپتیا یې غوره ګڼلې ده.
د ولسي جرګې لومړی مرستیال همایون همایون وایي؛ په داسې حال کې، چې پراخ فساد په ارګ کې دی، خو په وینا یې ولسمشر د ملت کور پر فساد تورنوي.
د هغه په وینا؛ کوم فساد، چې په ارګ کې دی، په بل ځای کې نشته. د ولسمشر څرګندونې د ولسي جرګې په اړه بشپړه پاملرنه غواړي.
د ولسي جرګې رییس عبدالرووف ابراهیمي د ولسمشر په دې خبرو خپګان وښود او وایي، ولسي جرګې تورنول د خواشینۍ وړ خبره ده؛ ځکه ملي شورا حقوقي مقام لري او د حکومت دا نظر د زغم وړ نه دی.
د ولسي جرګې غړي ټینګار کوي، چې حکومت خپلې ډېرې ژمنې نه دي پلې کړي او د درې کلونو له تېرېدو سره سره اوس هم ډېر وزارتونه د سرپرستانو لخوا اداره کیږي، چې د حکومت دا کار له قانون ښکاره سرغړونه ده.
خبریال: رفیع صدیقی
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ